Ahib 11:32 - ÎVUKU RÎA ÛVORO MWARO

³² Nie nîmbuga atîa wîngî? Gûtirî na mavinda meganu ma kûgweta ûvoro wa Gideoni, Baraki, Samusoni, Jefitha, Daudi, Samueli na arathi.

Ahib 11:32 ပူးပေါင်းရင်းမြစ်များ

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Luka 13:28

Mue nîmûkoona Iburahimu, Isaka, Jakovu na arathi onthe marî Ûthamakirî wa Ngai, namue mwikîtue na nja. Na kaî vîndî îo mûkoona ûguo nîmûkaarîra na mûrîe magego-î!

Luka 16:31

Nwatî Iburahimu nîwacokerie gîtonga kîu atîrî, ‘Angîthîrwa matingîthikîrîria Musa na Arathi, wana mûndû akariûka matingîmûthikîrîria.’ ”

Johana 21:25

Kûrî maûndû mengî meengî Jesû eekire. Angîthîrwa maûndû mau monthe nîmaandîkirwe, nîreciria wana nthî yonthe ndîngîganîra mavuku marîa mangîandîkwa.

Ciîko 10:43

Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”

Ciîko 13:20

Maûndû mau monthe meekîkire kwa îvinda rîa mîaka magana mana ma mîrongo îtano. “Na vuva wa ûguo, Ngai nîwamavere atirîrîri a vûrûri nginya gûgîkinya vîndî ya mûrathi Samueli.

Ciîko 3:24

Nao arathi onthe arîa manavecana ndûmîrîri ya Ngai, mambîrîrîtue nî Samueli na arîa maaûkire vuva wake, nîmaarathire ûvoro wîgiî maûndû marîa marethîrwa magîkîka mîthenyarî îno.

Aroma 3:5

Nîtuga atîa ethîrwa waganu wetû nîguo ûtethagîrîria kwonania kîvooto Kîam Ngai, nwa tuge atî Ngai nî mûvîtiu vîndî îrîa agûtûverithia? (Ava nîraria tu ûrîa andû a nthî maragia).

Aroma 4:1

Nîtuga atîa ûvoro wîgiî Iburahimu îthe wa rûrîrî rwetû?

Aroma 6:1

Nîtuga atîa rîu? Nîtûtûûre twîvagia nîguo wega wa Ngai wongerereke?

Aroma 7:7

Rîu-î, nîtuga atîa? Nîtuga atî watho guo mwene nî mevia? Naarî. Nwatî watho nîguo watûmire menye mevia nî ndûî. Watho ûtangîaugîte ndûkerirîrie kîndû Kîam mûndû, ndingîamenyire kwîrirîria nî ndûî.

Jakuvu 5:10

Ariû na aarî a îthe wetû, taririkanani arathi arîa maaririe na rîîtwa rîa Mwathani. Moceni ta kîonereria gîa gûkirîrîria na kûmîrîria mathîna.

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.

2Pet 3:2

Nîrenda mûririkane ciugo irîa ciarirue tene mûno nî arathi arîa atheru na rîathani rîrîa mwaveerwe nî atûmwa enyu riumîte kûrî Mwathani na Mûvonokia.

Atir 13:24

Mûndûmûka ûcio nîwaciarire kavîcî agîgatuîra rîîtwa Samusoni. Kavîcî kau nîgaakûrire na Ngai-Mûnene nîwakarathimire.

Atir 15:20

Samusoni aatirîrîre Isiraeli îvinda rîa mîaka mîrongo îîrî (20) vîndî îrîa Afilisiti maathaga vûrûrirî ûcio.

Atir 4:1

Rîrîa Ehudi aakwire, andû a Isiraeli nîmeevîrie Ngai-Mûnene rîngî.

Atir 6:1

Andû a Isiraeli nîmeevîrie Ngai-Mûnene rîngî. Kwoguo Ngai-Mûnene nîwamarekererie wathanirî wa andû a Midiani îvinda rîa mîaka mûgwanja.

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

Atir 6:14

Nake Ngai-Mûnene nîwamwathire na akîmwîra atîrî, “Thiî na vinya ûcio waku na ûvonokie Aisiraeli kuuma kûrîa Amidiani. Nînie nagûtûma.”

1Sam 1:20

Kwoguo vîndî îrîa kavinda kagîrîru gaakinyire, Hana nîwagîre nda na agîciara kavîcî. Ke aagatuîrîre rîîtwa Samueli na akiuga atîrî, “Nie naavoire Ngai-Mûnene amve ko.”

1Sam 12:11

Nake Ngai-Mûnene nîwatûmire Gideoni, Baraki, Jevitha na mûthiiarî akîndûma. Wa ûmwe wa cietû nîwamûvonokirie kuuma kûrî nthû cienyu na mûgîtûûra mûrî na thayû.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:13

Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.

1Sam 17:45

Daudi nîwerire Goliathu atîrî, “We ûkîte kûrî nie na rûviû rwa njûra, îtumû na îtumû rîa gwikia, nwatî nie nîmbûka kûrî we na rîîtwa rîa Ngai-Mûnene mwene vinya wonthe, na nîke Ngai wa athigari a Isiraeli ûrîa we ûnyararithîtie.

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:4

Mota ma andû arîa marî na vinya nîmaunîkangu, nwatî andû arîa matarî na vinya nî magîcaga na vinya.