Ahib 11:29 - ÎVUKU RÎA ÛVORO MWARO

²⁹ Wîtîkio nîguo watûmire andû a Isiraeli maringa îria îtune takwa maathiîrîrîte nthî nyûmû. Rîrîa andû a Misiri maageririe kûringa, onthe nîmaaûrîre manjîrî.

Ahib 11:29 ပူးပေါင်းရင်းမြစ်များ

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Ntha 14:22

Nao andû a Isiraeli nîmaavîtûkîrîre nthî nyûmû îriarî, na manjî mavana ta nthingo igîrî, rûmwe mwena wao wa ûrîo na rûu rwîngî mwena wao wa ûmotho.

Ntha 14:27

Kwoguo Musa nîwatambûrûkirie njara yake îgûrû rîa Îria. Na gwakîa manjî magîcoka ûrîa meekariî mbere. Nao andû a Misiri nîmaageragia kûûra maume manjîrî, nwatî Ngai-Mûnene nîwamaikirie îriarî.

Josh 2:10

Nîtwîguîte ûrîa Ngai-Mûnene aatûmire manjî ma îria Îtune mavûa mbere yenyu rîrîa mwaumaga Misiri. Wana nîtwîguîte ûrîa mwaûragire athamaki a Amori, Sihoni na Ogu arîa maarî mwena wa îrathîro wa Jorodani.