Ahib 11:26 - ÎVUKU RÎA ÛVORO MWARO

²⁶ Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Ahib 11:26 ပူးပေါင်းရင်းမြစ်များ

Thaburi 37:16

Nîkava kanyamû kanini karîa mûndû mûthingu arî nako, gûkîra indo nyîngî cia andû arîa aganu.

Thaburi 69:20

Icambio nîimbûragîte ngoro, na nînthirîte vinya. Njarîtie wa kûmbîguîra ntha, nwatî nîmûturu; njarîtie mûndû ûngînyûmîrîria, nwatî ndimûmwonu.

Thaburi 69:7

Njambîtue nîûndû waku, na ngecûrwa nî gîconoko.

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 23:18

Nama, vuvarî kûrî na kîîrîgîrîro, na kîîrîgîrîro gîaku gîtigaatuîka Kîam mana.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Mathaayo 10:41

Mûndû wa wonthe wamûkagîra mûrathi na akamûgwata ûgeni nîakaavewa kîveo wata Kîam mûrathi. Na mûndû wa wonthe wamûkagîra mûndû mûthingu na akamûgwata ûgeni, nîakaavewa kîveo wata Kîam mûndû ûcio mûthingu.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Luka 14:14

nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

Luka 14:33

Kwoguo gûtirî mûndû wana ûmwe gatagatîrî kenyu ûngîtuîka mûrutwa wakwa atambîte gûtiga indo cionthe irîa arî nacio.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Afil 3:7

Nwatî maûndû monthe marîa nîngîatuire atî nîma vata, rîu monaga marî ma mana nîûndû wa Kristû.

Ahib 10:33

Mavinda mamwe nîmwarumagwa na mûgekwa naaî mûrî kîrîndîrî, na mavinda meengî mûkagwatanîra na arîa maathînagua na njîra wata îo.

Ahib 10:35

Kwoguo mûtikaûrwe nî vinya nîûndû mwathiî na mbere na kûmîrîria, nîmûkaagîa na kîveo kînene.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

Ahib 2:2

Ndûmîrîri îrîa yavecanirwe nî araika kûrî methe metû ma tene, yonekire îrî ya ma. Arîa onthe mataamîathîkîra nîmaaverithirue wata ûrîa kwagîrîrîte.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”