Ahib 11:16 - ÎVUKU RÎA ÛVORO MWARO

¹⁶ Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 11:16 ပူးပေါင်းရင်းမြစ်များ

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

Kîam 28:13

Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Ntha 4:5

Ngai-Mûnene nîwacokire akîra Musa atîrî, “Thiî wîke ûguo kûrî andû a Isiraeli nîguo mamenye atî Ngai-Mûnene na nîke Ngai wa methe mao ma tene, Ngai wa Iburahimu, Isaka na Jakovu nîakumîrîrîte.”

Jeremia 31:1

Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Maariko 12:26

Naguo ûvoro wîgiî kûriûkua gwa akuû-î, anga mûtiathoma îvukuurî rîa Musa gîcunjî kîrîa kîgiî kîvînga kîrîa gîaakanaga mwaki? Gîcunjîrî kîu kwandîkîtwe ûrîa Ngai aarîrie Musa akîmwîra atîrî, ‘Nie nînie Ngai wa Iburahimu, Ngai wa Isaka, na Ngai wa Jakovu.’

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Luka 20:37

Wana nginya Musa ke mwene nîwonanîtie na ma atî akuû nîmariûkagua gîcunjîrî kîrîa kîgiî kîvînga kîrîa gîaakanaga mwaki, rîrîa eetire Mwathani, ‘Ngai wa Iburahimu, Ngai wa Isaka, na Ngai wa Jakovu.’

Johana 14:2

Mûciî kwa Vava kûrî na ciîkaro nyîngî, na nîngûthiî kûmûvarîrîria vandû. Nie ndingîamwîra ûguo angîthîrwa ûguo tîguo kûrî.

Ciîko 7:32

‘Nie nînie Ngai wa methe menyu ma tene, Ngai wa Iburahimu, Isaka na Jakovu.’ Nake Musa nîwambîrîrie kwinaina na akîgua guoya wa kûroria.

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

Ahib 11:10

Iburahimu aatûûraga etererete îtûûra rînene rîrî na mûcingi wa gûtûûra rîtumîtwe nî Ngai.

Ahib 11:14

Arîa maragia maûndû ta mau nîmonanagia waro atî nîkwa maracaria vûrûri wao.

Ahib 11:40

nîûndû Ngai nîwathondekete mûvango wetû warî mwaro makîria. Wendi wa Ngai nî atî andû acio magaatuwa agîrîru tûrî vamwe nao.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Ahib 13:14

Nîûndû gûkû nthî tûtirî na îtûûra înene rîa gûtûûra tene na tene, nîgûcaria tûcaragia îtûûra înene rîrîa rîgaaûka.

Ahib 2:11

Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.