Ahib 11:1 - ÎVUKU RÎA ÛVORO MWARO

¹ Wîtîkio nî kûgîa na ûma wa maûndû marîa twîrîgîrîrîte, na kûmenya atî maûndû marîa tûtavotaga kwona nî ma ma.

Ahib 11:1 ပူးပေါင်းရင်းမြစ်များ

Thaburi 27:13

Nîmbîtîkîtie, atî nîngoona wega wa Ngai-Mûnene nîrî mwoyo.

Thaburi 42:11

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na nîmûkumie rîngî, mûvonokia wakwa na Ngai wakwa.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

2Akor 11:17

Ûrîa nîrauga rîu, tî ta ûrîa Mwathani angîenda mbuga ûndûrî wîgiî gwîtîîa. Nî ma nîraria ta mûndû mûritu.

2Akor 4:18

Nîûndû meciria metû matirî kûrî indo irîa cionekaga nwatî marî kûrî indo irîa itonekaga. Indo irîa cionekaga itûûraga kavinda kanini, nwatî irîa itonekaga itûûraga tene na tene.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

2Akor 5:7

Nîûndû tûthiîcaga na wîtîkio, tî na ûrîa tûrona.

2Akor 9:4

Nwatî ethîrwa nwa tûke na andû amwe kuuma Makedonia na mone atî mue mûtirî evarîriu, tue nîtûgaaconoka wana tûtagûtara gîconoko kîenyu nîûndû nîtwîthîrîtwe tûmwîvokete mûno.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Tito 1:1

Kuuma kûrî Paûlo ndungata ya Ngai na mûtûmwa wa Jesû Kristû. Nie naathuurirwe na ngîtûmwa ngatethererie andû arîa athuure nî Ngai ûvororî wa gwîtîkia na nîmamenyithie ûvoro wa ma, ûrîa ûthomithanîtue nî ndini yetû.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 6:12

Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.