Ahib 10:7 - ÎVUKU RÎA ÛVORO MWARO

⁷ Nie nînaacokire ngiuga atîrî, ‘Nîrî ava nîguo mbîke wendi waku we Ngai, wata ûrîa ûvoro wakwa wandîkîtwe îvukuurî rîa Watho.’ ”

Ahib 10:7 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Ezira 6:2

Na rîrîa gwatuîrirue nîkwonekire îvuku rîa gîkûnjo rîrî na mûtaratara wa maûndû marîa mûthamaki Cairasi aathanire mekwe. Îvuku rîu rîarî Ekibatana îtûûrarî înene rîa vûrûri wa Media. Narîo rîandîkîtwe atîrî:

Nthi 8:31

Nîwakenaga nî nthî yake na agakenua nî andû a nthî.

Isaia 50:5

Mwathani Ngai-Mûnene nîavingûrîte matû makwa, na ndiatuîka mûregi, kana nîmûtiganîria.

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Ezek 2:9

Rîrîa naroririe, nonire njara îtambarûkîtue na kûrî nie îrî na îvuku rîa gîkûnjo rîrî rîandîke.

Ezek 3:1

Ngai nîwambîrire atîrî, “We mûndû, rîa kîrîa ûkûvewa. Rîa îvuku rîîrî rîa gîkûnjo ûcoke ûthiî ûkarîrie andû a nyomba ya Isiraeli.”

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.