Ahib 10:4 - ÎVUKU RÎA ÛVORO MWARO

⁴ Nîûndû nthakame ya ndegwa na nthenge ndîngîthengutia mevia kuuma kûrî andû.

Ahib 10:4 ပူးပေါင်းရင်းမြစ်များ

Thaburi 51:16

We ndûkenagua nî magongoona, kethîrwa nîûkenagua nîmo, nîngîakûrutîra; we ndûkenagua nî matega ma kûvîvua.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Hosea 14:2

Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.

Hosea 6:6

Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Maariko 12:33

Na mûndû kwenda Ngai na ngoro yake yonthe, na ûûgî wake wonthe, na vinya yake yonthe, wana kwenda mûndû ûrîa mariganîtie nake wata ûrîa eyendete ke mwene, nîgûkîrîte kûrutîra Ngai magongoona ma kûvîvua wana ma mîthemba îrîa îngî yonthe.”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Aroma 11:27

Nie nîngaathondeka kîrîkanîro gîkî na andû acio, vîndî îrîa ngaathengutia mevia mao.”

Ahib 10:1

Watho nî kîruru Kîam maûndû marîa maro magaaûka, nwatî tî mûvianîre wa ma wa maûndû mau. Magongoona mau nîmarutagwa mwaka wa mwaka. Kwoguo Watho na njîra ya magongoona mau ndûngîvota gûtua andû arîa mathiîcaga kûrî Ngai akinyanîru.

Ahib 10:11

Mûthînjîri-Ngai wa wonthe nîarûngamaga wa mûthenya wa mûthenya na akarutîra Ngai magongoona ma mûthemba ûmwe maita meengî. Magongoona mau matingîvota kûthengutia mevia.

Ahib 10:8

Mbere Kristû aaugire atîrî, “We ndwendaga na ndûkenagua nî magongoona na matega, kana nyamû irîa îvîvîrîtue metharî ya kîgongoona nîguo ithengutie mevia.” Aaugire ûguo wana ethîrwa magongoona mau monthe maarutagwa kûringana na Watho.

Ahib 9:9

Gîkî nî kîonereria Kîam îvinda rîîrî tûrî. Maûndû mama monthe monanagia atî iveo na magongoona ma nyamû marîa tûrutagîra Ngai matingîvota gûtûma thamiri ya mûndû ûrîa ûragooca Ngai îtuîke nginyanîru.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.