Ahib 10:26 - ÎVUKU RÎA ÛVORO MWARO

²⁶ Ethîrwa nwa twîvie na rûtûrîko vuva wa kûmenya ûvoro ûrîa wa ma, gûtirî îgongoona rîngîvota kûrutwa rîa kûthengutia mevia.

Ahib 10:26 ပူးပေါင်းရင်းမြစ်များ

Alawi 4:13

“Ethîrwa nî andû onthe a Isiraeli mevîtie na njîra ya kuna rîathani rîmwe rîa maathani ma Ngai-Mûnene matakûmenya,

Alawi 4:2

“Îra andû a Isiraeli atî, mûndû wa wonthe angîvia na atakûmenya aune rîathani wanarî rîmwe rîa mama Ngai-Mûnene athanîte, nwanginya arûmîrîre mawatho mama marûmîrîrîte.

Luka 12:47

“Nayo ndungata îrîa îcî ûndû ûrîa mwathi wayo endaga îke, nwatî ndîvaragîria wana kana îîke ûndû ûcio, nîkaavewa îvera rîa kûrivwa mûno na kîvoko.

Johana 13:17

Rîu nîûndû nîmwamenya maûndû mama, mûkaarathimagwa ethîrwa mûkaamekaga!

Johana 9:41

Nake Jesû nîwamacokerie atîrî, “Mûngîrî atumumu mûtingîrî na ûcuke, nwatî nîûndû mugaga nîmûvotaga kwona, ûguo nî kuga atî mûrî na ûcuke.”

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

2Ath 2:10

Nîagaatûmîra waganu wa mîthemba yonthe nîguo aveenie andû arîa makaathirua. Magaakua nîûndû nîmaaregire kwamûkîra na kwenda ûma nîguo mavonokue.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

1Tim 2:4

ûrîa wendaga andû onthe mavonoke na mamenye ûvoro wa ma.

Jakuvu 4:17

Mûndû wa wonthe wîcî ûndû mwaro ûrîa agîrîrwe nî gwîka, nwatî ndawîkaga, nî evagia.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.