Ahib 10:25 - ÎVUKU RÎA ÛVORO MWARO

²⁵ Tûtigatige gûcemanagia vamwe ta ûrîa andû amwe mamenyerete gwîkaga. Nwatî nîkava tûûmanagîrîrie mûndû na ûrîa wîngî nîûndû nîmûrona atî Mûthenya wa Mwathani nîûkuvîvîrîtie.

Ahib 10:25 ပူးပေါင်းရင်းမြစ်များ

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Mathaayo 18:20

Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

Ciîko 2:1

Na rîrîa mûthenya wa Pentekosto wakinyire, arîa onthe metîkîtie Jesû maagomanîte vamwe Jerusalemu.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Ciîko 20:7

Na Jumamosi kîvwaî, nîtwacemanîtie vamwe nîûndû wa ngwatanîro ya kwenyûrana mîgate. Nake Paûlo nîwarîrie andû nginya ûtukû gatagatî nîûndû nîwavangîte nîakuuma kûu mûthenya ûcio wîngî.

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

1Akor 11:20

Vîndî îrîa mûgomanîte vamwe, tî irio cia Mwathani cia kîvwaî mwîthagîrwa mûkîrîa.

1Akor 14:23

Î narîo ethîrwa kanitha yonthe nwa îcemanie vamwe na andû onthe mambîrîrie kwaria na nthiomi, na andû amwe matarî ataûkîre na matetîkîtie matonye kuo, na kinthî matingîciria atî mûrî agûrûki?

1Akor 14:3

Nwatî arîa managîrîra ndûmîrîri ya Ngai kûrî andû methagîrwa makîarîria andû acio makîmekîra vinya, makîmaûmîrîria na makîmavoreria.

1Akor 3:13

Na wîra wa mûndû wa mûndû nîûkoonekana vîndî îrîa ûkaaguûrua mûthenya wa Kristû. Wîra wa mûndû nîûkaamenyekana nîûndû nîûkaagerua na mwaki nîguo kûmenyekane waro ûrîa wîra ûcio wîkariî.

1Akor 5:4

Vîndî îrîa mûcemanîtie vamwe na rîîtwa rîa Mwathani wetû Jesû, na ngethîrwa nîrî vamwe namue kîîroho, na njîra ya vinya wa Mwathani wetû Jesû,

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

1Ath 4:18

Kwoguo ûmanagîrîriani na ciugo ino.

1Ath 5:11

Kwoguo ûmanagîrîriani na mwîkanagîre vinya wata ûrîa mûreka rîu.

Ahib 10:24

Nîtûtethanagieni na twendanage mûndû na ûrîa wîngî na twîkage ciîko mbaro.

Ahib 10:37

Nîûndû Mandîko Matheru maugîte atîrî, “Nî kavinda kanini gatigarîte, nake ûrîa ûraûka nîagûkinya, tî ekara kavinda karaca ataûkîte.

Ahib 13:22

Ariû na aarî a îthe wetû, nîngûmûria mûthikîrîrie ndûmîrîri îno ya kûmwîkîra vinya. Maarûa îno namwandîkîra tî ndaca mûno.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Jakuvu 5:8

Wa namue nwa nginya mûkiragîrîrie. Îthagîrwani mûrî na kîîrîgîrîro nîûndû Mwathani arî vakuvî gûka.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.

Juda 1:19

Andû acio nîo matûmaga andû magaûkane. Matongoragua nî merirîria mao ma kîîmwîrî, na matiîthagîrwa na Roho.