Ahib 10:1 - ÎVUKU RÎA ÛVORO MWARO

¹ Watho nî kîruru Kîam maûndû marîa maro magaaûka, nwatî tî mûvianîre wa ma wa maûndû mau. Magongoona mau nîmarutagwa mwaka wa mwaka. Kwoguo Watho na njîra ya magongoona mau ndûngîvota gûtua andû arîa mathiîcaga kûrî Ngai akinyanîru.

Ahib 10:1 ပူးပေါင်းရင်းမြစ်များ

Alawi 9:16

Nîwacokire akîvira ndegwa na ndûrûme ya îtega rîa kûvîvua na akîiruta wata ûrîa watho ugîte.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Akol 2:17

Maûndû mama monthe nî iruru cia maûndû marîa mageekîka vuvarî, nwatî Kristû nîke ûma.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 7:11

Andû a Isiraeli maaverwe watho na njîra ya ûthînjîri-Ngai ûrîa waumanîte na andû a mûvîrîga wa Lawi. Nwatî na njîra îo andû matiatuîka akinyanîru. Kwoguo kwarî na vata mûthînjîri-Ngai wîngî aûke ta Melikizedeki, nwatî tî kuuma mûvîrîgarî wa Aroni.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”

Ahib 9:11

Nwatî Kristû nîarîkîtie gûka ta Mûthînjîri-Ngai ûrîa mûnene wa maûndû maro marîa marî vo. Narîo îgema rîrîa atungataga nî rînene na nî rîkinyanîru mûno. Îgema rîu rîtitumîtwe na njara cia andû na tî gîcunjî kîmwe Kîam nthî îno ya kûmbwa.

Ahib 9:23

Kwoguo kwarî na vata indo irîa ivuana irîa irî îgûrû itherue na njîra ya magongoona mau. Nwatî indo cio mene irîa irî îgûrû nî ivatarîte mûno kûtherua na magongoona maro gûkîra mau.

Ahib 9:25

Kristû ndaatonya vandû varîa vatheru Mûno nîguo erute maita meengî ta ûrîa Mûthînjîri-Ngai mûnene wa Kîyahudi aatonyaga kuo mwaka wa mwaka akuuîte nthakame ya nyamû.