Afil 4:8 - ÎVUKU RÎA ÛVORO MWARO

⁸ Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

Afil 4:8 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

2Sam 1:23

“Saûlo na Jonathani marî mwoyo maarî a kwendeka na ega mûno, gûkua kana kûvona matiatigana; Maarî na îvenya gûkîra nderi, maarî na vinya gûkîra mînyambû.

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

Thaburi 82:2

“Nî mûthiî na mbere gûtucanîra ciira vatarî kîvooto nginya rî, mûkîonanagie kîmenyano kûrî andû arîa aganu.

Nthi 11:1

Ngai-Mûnene nîathûrîte andû arîa matûmagîra kîthimi Kîam maveeni, nwatî nîakenagua nî kîthimi kîrîa Kîamgîrîru.

Nthi 12:4

Mûndûmûka mwaro nî nthûmbî ya mûthuuriwe, nwatî mûndûmûka ûrîa ûconorithagia mûthuuriwe nîta woru ûrî mavîndîrî ma mûthuuriwe.

Nthi 16:11

Ngai-Mûnene endaga kîthimi kîthîrwe kîrî Kîam ma, ithimi cionthe nîke warûthire.

Nthi 20:7

Mûndû mûthingu ûrîa ûtûûraga na mîtugo mîagîrîru, njiarwa ciake nîikaarathimwa.

Nthi 31:10

Mûndûmûka mwaro angiuma kû, arî goro gûkîra mathaga.

Nthi 31:29

Augaga atîrî, “Aka eengî nîmekîte maûndû maro, nwatî we nîûmakîrîte onthe.”

Nthi 31:31

Nîakenagîre maciaro ma wîra wake, na wîra wake ûtûmage akumue nî andû onthe.

Rwîmbo rwa Nyîmbo 5:16

Ciugo ciake irî mûrîo, ngenagua nî maûndû make monthe. Mue aka a Jerusalemu, ûguo nîguo mwendwa wakwa ekariî.

Isaia 26:7

Njîra ya andû arîa athingu nî nûngarû; we Ngai-Mûnene nîûrûngaragia njîra cia andû arîa athingu.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Luka 23:50

Kwarî mûndû wetagwa Josefu waumîte Arimathea, îtûûra rîa Judea. Ke aarî mûndû mwaro na mûthingu.

Johana 7:18

Mûndû ûrîa waragia na wathani wake ke mwene, nîgwîkumia ekumagia. Nwatî mûndû ûrîa wendaga ûrîa wamûtûmire akumue nîwîthagîrwa arî mwîvokeku na ndaveenanagia.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 22:12

“Na kûu îtûûrarî rîu nîkwarî na mûndû wetagwa Anania. Ke nîwathîkagîra Watho wa Musa mûno na nîwavetwe gîtîîo mûno nî Ayahudi onthe arîa maatûûraga kûu Damesiki.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aroma 13:3

Andû arîa mekaga waro matiagîrîrwe nî gwîtigîra athani, nwatî andû arîa mekaga naaî nîmetigagîra athani. Nwa wende kwîthîrwa ûtarî na guoya nîûndû wa mûndû ûrîa wathanaga? Coka gwîkaga maûndû marîa maro na agagûkumagia.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Aroma 2:29

Mûyahudi wa ma nî ûrîa Mûyahudi ndaarî, nakuo kûrua kwa ma nî kûrua ngoro na njîra ya Roho na tî na njîra ya watho ûrîa mwandîke. Mûndû ta ûcio nîakumagua nî Ngai nwatî tî andû.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 13:7

Nwatî tûvoyaga Ngai mûtikevie. Tue tûtivoyaga ûguo nîguo twonanie atî nîtwîkîte waro, nwatî nîguo mwîke ûrîa kwagîrîrîte wana ethîrwa twonagwa tûrî agwîu.

2Akor 6:8

Nîtûgathagîrîrua na nîtûcambagua; nîtûkumagua na nîtûrumagwa. Tue tûtucagwa ta andû a maveeni, nwatî twaragia ûma.

2Akor 8:18

Vamwe nake nîtûgûtûma mûrû wa îthe wetû ûrîa mûve gîtîîo mûno makanitharî monthe nîûndû wa wîra wake wa kûvunjia ûvoro ûrîa mwaro.

2Akor 8:21

Mûvango wetû nî gwîka ûrîa kwagîrîrîte mbere ya Mwathani na mbere ya andû.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 5:9

nîûndû ûtheri nîguo ûretaga maûndû monthe maro, ma ûthingu na ma ma.

Aefeso 6:14

Kwoguo îkaragani mwîkindîrîtie na mwîvotorete ûma ta arî guo mûcivi ûrîa mwîyovaga kîûnûrî, naguo ûthingu ta arî yo ngo yenyu ya kûgitîra kîthûri,

Gûco 16:20

Mavinda monthe rûmagîrîrani kîvooto. Namue nîmûkegwatîra vûrûri ûrîa Ngai-Mûnene Ngai wenyu akûmûva na mûthiî na mbere gûtûûra kuo.

Afil 3:1

Ngîrîkîrîria, ariû na aarî a îthe wetû kenagani mûrî ûrûmwe na Mwathani. Tî mûrigo kûrî nie kûmwandîkîra maûndû wa marîa nanamwandîkîra rîngî, nîûndû ûndû ûcio nîwakûmûgitîra.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 4:12

Mweka ûguo, mûkaavecagwa gîtîîo nî andû arîa matetîkîtie na mûtikeevokaga mûndû wana ûrîkû amûve kîrîa mûvatarîte.

1Tim 2:2

Voyagîrani athamaki na anene onthe nîguo twîkarage tûkirîrîtie, tûrî na thayû, twînyivîtie mbere ya Ngai na tûrî na mîtugo mîaro.

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

1Tim 3:4

Nwa nginya ethîrwe arî mûndû ûvotete kûmenyerera mûciî wake waro na ûvotete gûtûma ciana ciake imwathîkîre na imûtîîe na njîra cionthe.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

1Tim 5:2

Aka arîa akûrû nao monage ta arî aa nyûkwe, nao erîtu ûmonage ta aa mwarwanyûkwe. Îkaga ûguo ûrî na ngoro ntheru.

Tito 1:8

Mûtongoria wa kanitha agîrîrwe nîkwîthîrwa arî mûndû mûtugani, mûndû wendete maûndû marîa maro, mwînyitia maûndûrî, mûndû mûrûngîrîru, mûndû mûtheru na mûndû wîyathîte.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 2:2

Îraga athuuri arîa akûrû mekarage meîguîte, marî na mîtugo mîaro, andû mangîvota kwînyitia maûndûrî, na methagîrwe marî na wîtîkio wa ma, marî na wendo na ûmîrîru.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

Ahib 11:2

Nîûndû wa wîtîkio methe metû ma tene nîmagîre na ngumo mbaro kuuma kûrî Ngai.

Ahib 13:18

Tûvoyagîreni. Tûrî nama atî thamiri cietû nî ntheru, nîûndû twendaga gwîka ûrîa kwagîrîrîte mavindarî monthe.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

2Pet 3:1

Arata akwa, îno rîu nîyo maarûa yakwa ya kaîrî kûmwandîkîra. Maarûarî wa cioîrî, nîngeretie kûrurumûkia meciria menyu mevokeku na njîra ya kûmûririkania maûndû mama.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Ruthu 3:11

Rîu tiga kûmaka. Nîngûgwîkîra maûndû monthe marîa ûkwenda, nîûndû andû onthe a îtûûra rîîrî nîmaicî atî we ûrî mûndûmûka mwaro.