Afil 4:6 - ÎVUKU RÎA ÛVORO MWARO

⁶ Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Afil 4:6 ပူးပေါင်းရင်းမြစ်များ

1Atha 8:28

Ngai-Mûnene, Ngai wakwa, thikîrîria mavoya na mathaithana makwa marîa nie ndungata yaku nîrakûthaitha namo ûmûnthî.

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

Thaburi 51:15

We Mwathani, mvotithia kwaria, na nîngûgûkumia.

Thaburi 55:17

Nîmûkayagîra na ngamûrîrîra kîraûko, mûthenya na ûtukû, na akegua mûgambo wakwa.

Thaburi 55:22

Virîra Ngai-Mûnene mathîna maku, na nîagûkûmenyerera; ndangîrekereria andû arîa athingu mavootwe.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 16:3

Nengera Ngai-Mûnene maûndû marîa ûrenda gwîka, na mîvango yaku nîîkaavinga.

Rwîmbo rwa Nyîmbo 2:14

We wîkariî ta ndutuura îthithîte mwanyarî wa îthiga. Tiga mone ûthiû waku, tiga mbîgue mûgambo waku, nîûndû mûgambo waku ûrî mûrîo, na ûthiû waku nî mûthaka.

Jeremia 32:16

Vuva wa kûnengera Baruku mûvîcî wa Neria maarûa cia kûgûra mûgûnda nînavoire ngiuga atîrî,

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Danieli 3:16

Nao Shadiraka, Mîsheki na Abendinego nîmaacokerie mûthamaki atîrî, “Mwathi wetû Nebukadinezarû, gûtirî na vata wa kwîgitîra maûndûrî mama.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Mathaayo 10:19

Na rîrîa makaamûvira ciamarî cia athuuri mûtigatangîke mûkîûria maûndû marîa mûkaauga kana ûrîa mûkaaria. Rîrîa kavinda gagaakinya, mue nîmûkaamenyithua maûndû marîa mûkaauga.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 6:34

Kwoguo mûtigatangîke nîûndû wa rûyû, nîûndû rûyû nîrûgeetangîkîra. Wa mûthenya ûrî mathîna meganu maaguo.

Mathaayo 6:8

Mue mûtigatuîke tao nîûndû Îthe wenyu nîethagîrwa ecî kîrîa mûvatarîte wana mbere ya mûmwîtie.

Luka 10:41

Nwatî Mwathani nîwamûcokerie atîrî, “Maritha! Maritha! We nîûramakua na ûkathînua nî maûndû meengî mûno,

Luka 12:22

Jesû nîwacokire akîra arutwa ake atîrî, “Nie nîramwîra atî mûtikamakue nî ûvoro wîgiî irio irîa mûvatarîte kûrîa nîguo mûtûûre, wa na kana nguo irîa mûvatarîte gwîkîra mîîrîrî yenyu.

Luka 12:29

“Kwoguo mûtigatangîke mûkîûria kîrîa mûkaarîa na mûkaanyua.

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

1Akor 7:21

Ethîrwa warî ngombo vîndî îrîa Ngai aagwîtire, tiga kwona ûcio ta ûndû. Nwatî ethîrwa nwa ûvote kwona kanya ga kûrekererua, gatûmîre.

1Akor 7:32

Nie ndirenda mûtangîke. Mûndû mûrûme wa wonthe ûtarî mûvikaniu nîarûmbûyanagia na wîra wa Mwathani, nîûndû ke ethagîrwa akîgeria gûkenia Mwathani.

2Akor 1:11

Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

Aefeso 5:20

Na rîîtwa rîa Mwathani wetû Jesû Kristû, cokagiani ngatho kûrî Ngai Vava maûndûrî monthe.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Akol 4:2

Kîragîrîriani kûvoya mwîîguîte na mûgîcokagîria Ngai ngatho.

1Tim 2:1

Mbere ya maûndû monthe nîramûthaitha mûvoyage mavoya ma kûthaithanîra andû, gwîtia Ngai kîrîa mûrenda na gûcokia Ngatho kûrî Ngai nîûndû wa andû onthe.

1Tim 5:5

Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

1Pet 5:7

Tigîrani Ngai maûndû monthe menyu marîa matûmaga mûtangîke nîûndû nîamûmenyagîrîra.

1Sam 1:15

Nwatî Hana nîwacokirie na akiuga atîrî, “Naarî mwathi wakwa ndirî mûrîu. Nie nînîrathînîka mûno ngororî yakwa, na mbîthîrîtwe ngîvoyaga Ngai-Mûnene nîûndû wa mathîna marîa nîrî namo.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”