Afil 4:5 - ÎVUKU RÎA ÛVORO MWARO

⁵ Gûkirîrîria kwenyu nîkûmenywe nî andû onthe. Mwathani arî vakuvî gûka.

Afil 4:5 ပူးပေါင်းရင်းမြစ်များ

Mathaayo 6:25

“Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Mathaayo 6:34

Kwoguo mûtigatangîke nîûndû wa rûyû, nîûndû rûyû nîrûgeetangîkîra. Wa mûthenya ûrî mathîna meganu maaguo.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

1Akor 6:7

Kûvira nthitangano cienyu magootirî nîkwonanagia na ma atî mue nîmûremetwe viû. Wana tî kava mue mûvîtîrîtue kana mûcunîtwe?

1Akor 8:13

Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

1Akor 9:25

Mûvinyûri wa wonthe akîîmenyeria ûrîa akaavinyûra mîthakorî nîwîathaga maûndûrî monthe. Ekaga ûguo nîguo akaavewa nthûmbî îrîa îthiraga, nwatî tue twîkaga ûguo nîguo tûkaavewa nthûmbî îrîa îtathiraga.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Ath 2:2

mûtikagague meciriarî kana mûmakue nî andû mûkîragwa atî mûthenya wa Mwathani nî mûkinyu. Nwa kwîthîrwa o meciragia atî twamwîrire maûndû mama vîndî îrîa twarathaga na twamûvunjagîria kana atî nîkwa twamwandîkîre maarûa.

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Ahib 10:25

Tûtigatige gûcemanagia vamwe ta ûrîa andû amwe mamenyerete gwîkaga. Nwatî nîkava tûûmanagîrîrie mûndû na ûrîa wîngî nîûndû nîmûrona atî Mûthenya wa Mwathani nîûkuvîvîrîtie.

Ahib 10:37

Nîûndû Mandîko Matheru maugîte atîrî, “Nî kavinda kanini gatigarîte, nake ûrîa ûraûka nîagûkinya, tî ekara kavinda karaca ataûkîte.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

Kûguû 22:20

Nake ûrîa wanagîrîra ndûmîrîri îno yonthe augaga atîrî, “Nî ma nîmbûka warîu!” Ameni. Ûka, Mwathani Jesû!

Kûguû 22:7

“Tathikîrîria, nîmbûka warîu! Kûrathimwa nî mûndû ûrîa wathîkagîra ûrathi ûrîa ûrî îvukuurî rîîrî!” Ûguo nîguo Jesû arauga.