Afil 4:17 - ÎVUKU RÎA ÛVORO MWARO

¹⁷ Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Afil 4:17 ပူးပေါင်းရင်းမြစ်များ

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 15:8

Mwagîa na maciaro meengî, mûkonekanaga mûrî arutwa akwa, na ûndû ûyû ûkaagoocithagia Vava.

Aroma 15:28

Narîkia kwona atî andû a kanitha wa Jerusalemu nîmamûkîra ûtethio ûrîa wavecanîtwe nîûndû wao, nîngaaûkîrîra kûu kwenyu ngîthiî Sipania.

2Akor 11:16

Nie nîngûcokera wa rîngî atî gûtirî mûndû wana ûrîkû wagîrîrwe nî gwîciiria atî nî mûritu. Nwatî ethîrwa nîguo mwîciragia, nyamûkîrani ta mûndû mûritu nîguo nanie nîtîîe vanini.

2Akor 9:5

Kwoguo nînoonire kwagîrîte mbûrie ariû a îthe wetû aya maûke kûrî mue mbere ya mbûka nîguo mavarîrîrie kîveo kîrîa mweranîre kûvecana. Nakîo gîkeethîrwa kîvecanîtwe na kwîyendera na tî kûringîrîrua.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:11

Ndirauga ûguo atî nîûndû nînîrenda ûtethio. Nîmenyerete kwîganagîrwa nî kîrîa nîrî nakîo.

1Ath 2:5

Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.