Afil 4:1 - ÎVUKU RÎA ÛVORO MWARO

¹ Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

Afil 4:1 ပူးပေါင်းရင်းမြစ်များ

Ayubu 31:36

Nama nwa nîmakuue na gîturo; Na nîmekîre kîongo ta nthûmbî.

Thaburi 125:1

Arîa mevokete Ngai-Mûnene mekariî ta Kîrîma gîa Zayuni, kîrîa gîtanginainua, nwatî gîtûûraga tene na tene.

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Johana 8:31

Kwoguo Jesû nîwerire Ayahudi atîrî, “Mwona mwathîkîra ciugo ciakwa, nîmûgûtuîka arutwa akwa.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Afil 2:26

Nîwîriragîria kûmwona muonthe na nîmûmaku mûno amenya atî nîmweguîte atî aarî mûrwaru.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.