Afil 3:20 - ÎVUKU RÎA ÛVORO MWARO

²⁰ Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

Afil 3:20 ပူးပေါင်းရင်းမြစ်များ

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Nthi 15:24

Njîra ya andû arîa aûgî îmaviraga mwoyorî, nîguo maûrîre gûtonya kwa arîa akuû.

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Luka 12:21

“Ûguo nwa ta guo gwîkaraga vîndî îrîa mûndû eigîra mûthithû ûrîa ûtarî wa ndûmîrîri ya Ngai.”

Luka 14:14

nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

Ciîko 1:11

Nao arûme acio nîmaamerire atîrî, “Mue andû a Galili, mûrûngamîte mûroretie îgûrû nîkî? Jesû ûcio wauma kûrî mue avirwa îgûrû nîagaacoka rîngî wata ûguo mwona akîthiî îgûrû.”

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Akor 15:48

Andû a gûkû nthî mekariî ta mûndû ûrîa waumire gûkû nthî. Nwatî andû a îgûrû mekariî ta mûndû wa îgûrû.

2Akor 4:18

Nîûndû meciria metû matirî kûrî indo irîa cionekaga nwatî marî kûrî indo irîa itonekaga. Indo irîa cionekaga itûûraga kavinda kanini, nwatî irîa itonekaga itûûraga tene na tene.

2Akor 5:8

Tûrî na ûmîrîru mûno na nwa twende kuuma mwîrîrî ûyû nîguo twîthagîrwe tûrî mûciî na Mwathani.

Agal 4:26

Nwatî Jerusalemu îrîa îrî îgûrû ndîrî ûkomborî na nî ta yo ng'ina wetû.

Aefeso 2:19

Kwoguo, mue andû a Ndûrîrî mûtirî ageni kana avîtûki rîngî, nwatî rîu nîmûtuîkîte kîndû kîmwe na andû a nyomba ya Ngai.

Aefeso 2:6

Ke nîwatûriûkirie tûrî kîndû kîmwe na Jesû Kristû nîguo twathane vamwe nake kûu îgûrû.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Ath 4:16

Nîûndû Mwathani nîakaanyûrûka kuuma îgûrû Kîamthanaga augîrîrîtie na mûgambo wa mûraika ûrîa mûnene na karumbeta ka Ngai. Vîndî îo, arîa makeethîrwa maakuire metîkîtie Kristû nîo makamba kûriûka.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!