Afil 3:2 - ÎVUKU RÎA ÛVORO MWARO

² Îîmenyagîrîreni andû arîa mekaga maûndû macûku, arîa mekariî ta ngui na matemangaga mîîrî.

Afil 3:2 ပူးပေါင်းရင်းမြစ်များ

Thaburi 119:115

Nthengutîrani mue andû evia, nîguo mbathîkîre maathani ma Ngai wakwa.

Thaburi 22:16

Gîkundi Kîam andû arîa acûku nîkînthiûrûrûkîrîtie, gîkundi gîkariî ta ngui ino mvûtu nîkînthiûrûrûkîrîtie, nîmanducangîte njara na magûrû makwa.

Thaburi 22:20

Ndethûra ndikaûragwe nî nthû ciakwa na mviû, mvonokia kuuma kûrî nthû ino ciîkariî mbaganu ta ngui.

Nthi 26:11

Kîrimû kîrîa gîcokagîra ûrimû wakîo, gîkariî ta ngui îrîa îcokagîra matavîka ma yo.

Mathaayo 24:10

Vîndî îo andû eengî nîmagaatiganîria wîtîkio wao; nîmagaacukananîra na mathûrane o ene.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.

Aroma 2:28

Mûyahudi wa ma tî ûrîa wonekaga na îgûrû atî nî Mûyahudi, nakuo kûrua kwa ma tî kûrua mwîrî.

2Akor 11:13

Andû acio tî atûmwa a ma, o nî atûmwa a maveeni arîa maragia maveeni megiî wîra wao na nîmageragia kwîgarûra nîguo monekane ta atûmwa a Kristû.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

1Tim 1:19

Îthagîrwa ûrî na wîtîkio na thamiri mbaro. Andû amwe matithikagîrîria thamiri ciao na nîmatete wîtîkio wao.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

2Pet 2:22

Ûrîa meekire nîwonanirie atî nthimo nî cia ma irîa ciugaga atî: “Ngitî nîyo îcokagîra matavîka mayo” na “Ngûrwe wana îkathambua îcokaga kwîgaragaria mûtondorî.”

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.