Afil 3:19 - ÎVUKU RÎA ÛVORO MWARO

¹⁹ Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

Afil 3:19 ပူးပေါင်းရင်းမြစ်များ

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Thaburi 52:1

We njamba îno ya mûndû, wîtîîaga nîûndû wa wîvia waku nîkî? Ntha cia Ngai nî cia tene na tene.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 34:3

Mûnyunyaga îria na mûkeguîka nguo cia guoya wacio na mûthînjaga irîa noru, nwatî mûtiirîthagia.

Hosea 4:7

Wa ûrîa athînjîri-Ngai mongerekaga, nwaguo onthe mevagia mbere yakwa. Kwoguo nîngatûma riiri wao ûtuîke gîconoko.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Malaki 1:12

Nwatî mue nîmûtûmaga rîîtwa rîa Ngai-Mûnene rîgîa na mûgiro rîrîa mwagwatia metha yakwa ya kîgongoona gîko, na matega marîa mûndutagîra nîmarînyararithagia.

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Luka 12:19

Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

Luka 16:19

“Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Luka 18:4

Nake mûcirithania ûcio nîwekarire mîthenya mîîngî akîregaga gûtethereria mûndûmûka ûcio, nwatî mûthiiarî akîîra na ngoro yake atîrî, ‘Wana angîthîrwa ndiîtigagîra Ngai kana ngava andû gîtîîo,

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

1Akor 3:3

nîûndû wana rîu mûtûûraga wata ûrîa andû a gûkû nthî matûûraga. Rîrîa kûrî na wîru na ngarari gatagatîrî kenyu-rî, na kinthî ûndû ûcio ndwonanagia atî mue mûrî a gûkû nthî na mûtûûraga ta andû a gûkû nthî.

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

1Akor 5:6

Mwîtîîo ûcio wenyu tî mwaro! Mue nîkwa mûtaicî atî ndawa nini ya kwimbia mîgate nîimbagia mûtu wonthe ûrîa ûkandîtwe?

2Akor 11:12

Nîngûthiî na mbere gwîka ûrîa nîreka rîu nîguo ndûme acio engî mareîta “atûmwa a mwanya” matikagîe na gîtûmi gîa gwîtîîa. Metîîaga makiugaga atî marutaga wîra na njîra wata îrîa tue tûrutaga.

2Akor 11:15

Kwoguo tî ûndû mûgeni ethîrwa ndungata cia Caitani nî ciîgarûraga nîguo cionekane ta ndungata cia ûthingu. Mûthiiarî nîmakaanyita kîrîa kîringanîte na ciîko ciao.

Agal 6:13

Nîûndû wana arîa maruaga matiathîkagîra watho, nwatî nîmendaga mûrue nîguo metîîage makiugaga atî nîmaatûmire wanamue mûrue.

Afil 2:21

Andû acio engî onthe methagîrwa makîrûmbûiya wa mûndû maûndû make. Gûtirî mûndû wîciragia gwîka ûrîa Jesû Kristû angîenda gwîkwe.

Akol 3:2

Îciragieni ûvoro wîgiî kîrîa kîrî îgûrû, na tî kîrîa kîrî gûkû nthî.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

2Ath 2:12

Ngai eekire ûguo nîguo arîa onthe maregete gwîtîkia ûvoro wa ma na makenagîra gwîka mevia magaatuîrwa.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

2Tim 3:4

nîmagaatuîka acukanîrîri, arûgîrîri na etîi mûno. Nîmagaatuîka andû a kwenda maûndû marîa macûku vandû va kwenda maûndû marîa maro.

Jakuvu 4:16

Nwatî rîu, mue mûrî etîi na egathi, na mwîgatho ta ûcio wonthe nî mûcûku.

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

1Sam 2:29

Nîndûî vi kîratûma ûkorokere iveo na magongoona marîa naathire andû akwa mandutagîre? We Eli, nîndûî kîratûma ûtîîe anake aku kûngîra na njîra ya kûmetîkîria menorithagie na iveo irîa mbaro mûno cia irîa ndutagîrwa nî andû akwa, Aisiraeli?