Afil 2:22 - ÎVUKU RÎA ÛVORO MWARO

²² Mue nîmwîcî ûrîa Timotheo onanîtie atî ke nî mwagîrîru, nîûndû twîthîrîtwe tûkîrutithania wîra nake wa kûvunjia ûvoro Mwaro. Twîthîrîtwe tûkîrutithania wîra ûcio ta Mûriû na îthe.

Afil 2:22 ပူးပေါင်းရင်းမြစ်များ

Ciîko 16:2

Nao etîkia arîa maarî Listra na Ikonia nîmaaragia waro wa Timotheo.

Aroma 5:4

nakuo kûmîrîria kûretaga gwîkindîria, nakuo gwîkindîria kûretaga kîîrîgîrîro.

1Akor 16:10

Timotheo aûka kûrî mue, geriani kwona atî nîwekarania namue atarî na guoya nîûndû araruta wîra wa Mwathani wata ûrîa ndutaga.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 8:22

Kwoguo nîtûgûtûma mûrû wa îthe wetû wîngî nîguo maûke marî vamwe na Tito. Nîtûgeretie mûrû wa îthe wetû ûcio maita meengî na nîtwonete arî na wendi mûno gûtethia. Na rîu nîûndû wa ûrîa amwîvokete, arî na wendi makîria wa gûka kûmûtethia.

2Akor 8:24

Kwoguo onaniani wendo wenyu kûrî o, nîguo makanitha monthe makaamenya nama atî tûtirî na mavîtia tûgîtîîa nîûndû wenyu.

2Akor 8:8

Nie ndiramwîra ûguo takwa nîramwatha. Nwatî na njîra ya ûrîa arîa engî mendete gûtethia, nîrenda kûmenya ûrîa wendo wenyu wana guo ûrî wa ma.

Afil 1:12

Ariû na aarî a îthe wetû, nîrenda mûmenye atî maûndû marîa mekîkîte kûrî nie nîmandethereretie gûtambia ûvoro mwaro.

Afil 1:16

Andû arîa methagîrwa marî na ngoro ntheru mavunjagia marî na wendo nîûndû nîmecî atî njovetwe njeera nîûndû nîngitagîra ûvoro mwaro.

Afil 1:5

nîûndû wa ûrîa mûndethetie gûtambia ûvoro mwaro kuuma mûthenya wa mbere nginya ûmûnthî.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

Afil 2:20

Timotheo nwake tu twîthagîrwa tûnyitanîrîte nake kîîmeciria, na nwake wenga ûmwîciragia.

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

2Tim 1:2

Kûrî Timotheo mwana wakwa mendete. Wega, ntha na thayû kuuma kûrî Ngai îthe wetû, na Mwathani wetû Jesû Kristû irogîa nawe.

2Tim 3:10

Nwatî we nîûrûmîrîrîte maûndû marîa nthomithagia, mîtugo yakwa, mworoto wakwa, wîtîkio wakwa, gûkirîrîria gwakwa, wendo wakwa, wetereri wakwa na kûmîrîria gwakwa.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.