Afil 2:15 - ÎVUKU RÎA ÛVORO MWARO

¹⁵ Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Afil 2:15 ပူးပေါင်းရင်းမြစ်များ

Thaburi 122:5

Kûu nîkuo itî cia gûcirithanîria cigîtwe, itî cia ûthamaki wa nyomba ya Daudi.

Ntha 34:35

nao nîmoonaga atî ûthiû wake nîwakengaga. Musa nîwacokaga agekunîkîra na gîtambaa rîngî nginya rîrîa akaathiî kwaria na Ngai-Mûnene.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Nthi 8:8

Maûndû monthe marîa mbaragia nî ma ma; tî ma maveeni kana ma kûvîtithia mûndû.

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Danieli 6:4

Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Ciîko 20:30

Wana nginya gatagatîrî kenyu nîgûkaumîra andû amwe makaaragia maveeni makîgeria kûgucîrîria arutwa nîguo mamarûmîrîre.

Aroma 16:19

Etîkia onthe nîmamenyete atî nîmwathîkagîra Ûvoro ûrîa mwaro, na nîûndû wa gîtûmi gîkî, nie nîngenaga nîûndû wenyu. Nie nîrenda mue mwîthagîrwe mûrî aûgî maûndûrî marîa maro, nwatî ûvororî wîgiî maûndû marîa macûku, îthagîrwani mûtarî na ûcuke.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 3:6

Nînaagîre na kîîo kîngî mûno gîa kûnyarira kanitha wa Kristû. Maûndûrî megiî ûthingu nîûndû wa kwathîkîra watho, ndiarî na ûcuke.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

1Tim 3:10

Nîmaagîrîrwe nî kwamba kûgerua, na ethîrwa nîmakwonekana matarî na ûcuke nwa metîkîrue matuîke atungati.

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

1Tim 5:7

Mathageni nîguo matikagîe na ûndû mangîcukwa naguo.

Tito 1:6

nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.

Tito 2:10

kana kûmaîa. Vandû va ûguo, nwa nginya ciîthîrwe irî mbaro na ciîvokekete nîguo maûndûrî monthe marîa ciîkaga cionanagie wagîrîru wa ndûmîrîri ya Ngai Mûvonokia wetû.

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

Kûguû 2:5

Taririkanani kûrîa mwarî mbere ya mûgwe! Îrireni na mwîke ciîko irîa mwekaga mbere. Na mwarega kwîrira nie nîngûka kûrî mue na ndute kîndû gîa kwigîrîrwa taa varîa kîthagîrwa kîrî.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.