Afil 2:13 - ÎVUKU RÎA ÛVORO MWARO

¹³ Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Afil 2:13 ပူးပေါင်းရင်းမြစ်များ

1Atha 8:58

Arotûma tûmwathîkagîre, nîguo tûrûmagîrîre njîra ciake cionthe na tûvingagie maathani make na irîra ciake na watho wake ûrîa aathire methe metû.

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Ezira 7:27

Nake Ezira nîwacokire akiuga atîrî, “Ngai-Mûnene, Ngai wa methe metû ma tene arokumua! Nîûndû nîatûmîte mûthamaki agîe na wendi wa kûva gîtîîo hekarû ya Ngai-Mûnene îrîa îrî Jerusalemu.

Nehemia 2:4

Nake mûthamaki nîwambûririe atîrî, “Nîwenda atîa?” Kwoguo nînavoire Ngai wa îgûrû,

Ayubu 33:29

Taroria, Ngai nîekaga mûndû maûndû mama monthe, nîamekaga maita meengî kûrî mûndû.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 119:36

Mva wendo wa kûrûmîrîra kîrîra gîaku, ndige kûrûmîrîra ûtonga.

Thaburi 141:4

Ndûkareke ngucîrîrua gwîka maûndû macûku, kana mbîka maûndû ma waganu. Ndûkareke nyitanîra na andû arîa mekaga maûndû ma waganu, kana ndîcanîra nao irugorî ciao.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 32:38

Nao nîmagaatuîka andû akwa, nanie nduîke Ngai wao.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 3:27

Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo.

Johana 6:45

Kwandîkîtwe mavukurî ma arathi atî, ‘Andû onthe nîmakaathomithua nî Ngai!’ Mûndû wa wonthe ûrîa wîgucaga Vava na akethomithia maûndû kuuma kûrî ke nîaûkaga kûrî nie.

Johana 6:65

Jesû nîwacokire akîmeera atîrî, “Gîkî nîkîo kîrarî gîtûmi gîa kûmwîra atî gûtirî mûndû ûngîûka kûrî nie tiga nwanga avotithîtue nî Vava.”

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Aroma 9:11

Kûthuurwa kwa mûriû ûmwe warî mworoto wa Ngai. Ke mwene nîke wendire kûmûthuura na tî ûndû wa ciîko ciake, aamûthuurire wana mbere ya maciarwa na mbere ya mamenya maûndû maro kana macûku.

Aroma 9:16

Kwoguo, maûndû monthe mavotekaga nîûndû wa ntha cia Ngai na tî kwenda kwa mûndû kana kîîo gîake.

1Akor 12:6

Kûrî mîthemba ngûrani ya ûtungata, nwatî Ngai ûrîa ûvecanaga vinya wa gûtungata kûrî mûndû wa mûndû nî ûmwe.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

2Akor 3:5

Tûtirauga atî tûrî na ûvoti wa kûruta wîra ûyû. Ngai nîke ûtûvotithagia kûruta wîra ûrîa wonthe tûrutaga.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:5

Ngai nîwatuîte wa mbere atî nîagaatûtua ciana ciake na njîra ya Jesû Kristû. Ûcio nîguo warî mworoto wa wendi wake.

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,