Afil 2:11 - ÎVUKU RÎA ÛVORO MWARO

¹¹ na cionthe ikaumbûraga atî Jesû Kristû nî Mwathani, nîguo Ngai Îthe akumague.

Afil 2:11 ပူးပေါင်းရင်းမြစ်များ

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 18:49

Kwoguo we Ngai-Mûnene nîngûgoocaga gatagatî ka mavûrûri, na nî minaga nyîmbo ngîgûkumagia.

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Mathaayo 10:32

“Mûndû wa wonthe ûnyumbûraga mbere ya andû, wa nanie nîngaamumbûra mbere ya Vava ûrîa ûrî îgûrû.

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Johana 12:42

Nakuo kwarî na anene eengî a Ayahudi maamwîtîkirie, na nîûndû nîmeetigagîra Afarisai nîmaaremirwe nî kwaria cararûkû ûvoro ûmwîgiî nîguo matikengatwe kuuma îvoerorî.

Johana 13:13

Mûmbîtaga Mwarimû na mûkambîta Mwathani. Rîrîa mûgwîka ûguo mwîthagîrwa mûkîaria ûvoro wa ma nîûndû nie nînie ke.

Johana 13:14

Angîthîrwa nie Mwathani na Mwarimû wenyu nînamûthambia magûrû wa namue nwa nginya mûthambanagie magûrû.

Johana 14:13

Ûndû wa wonthe ûrîa mûkavoyaga na rîîtwa rîakwa ngawîkaga, nîguo Vava akumague na njîra ya Mûriû.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Aroma 14:11

Nîûndû mandîko matheru maugîte atî: Mwathani augîte atîrî, “Wata ûrîa ndûûraga mwoyo, andû onthe nîmagaaturia maru mbere yakwa, na maumbûre atî nie nînie Ngai.”

Aroma 14:9

Nîûndû Kristû aakwire na agîcoka akîriûka nîguo atuîke Mwathani wa arîa akuû na arîa marî mwoyo.

Aroma 15:9

Kristû ekire ûguo nîguo andû a Ndûrîrî makumie Ngai nîûndû wa ntha ciake. Mandîko Matheru maugîte atîrî, “Kwoguo nie ngaagûkumagia gatagatîrî ka andû a Ndûrîrî, nie ngaainaga ngîkumagia rîîtwa rîaku.”

1Akor 12:3

Kwoguo nîrenda mûtaûkîrwe atî gûtirî mûndû waragia atongoretue nî Roho wa Ngai ûngiuga, “Jesû arogwatwa nî kîrumi!” Na gûtirî mûndû ûngiuga, “Jesû nî Mwathani” atatongoretue nî Roho Mûtheru.

1Akor 15:47

Mûndû wa mbere, na nîke Adamu, aaumire rûkûngûrî rwa nthî, nwatî mûndû wa kaîrî aaumire îgûrû.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Joh 4:15

Mûndû wa wonthe umbûraga atî Jesû nî Mûriû wa Ngai, Ngai ekaraga ndaarî yake nake ekaraga ndaarî ya Ngai.

1Joh 4:2

Mûkaavotaga gûkûranaga Roho wa Ngai na njîra îno: mûndû wa wonthe umbûraga atî Jesû Kristû aûkire arî na mwîrî ta mûndû, arî na Roho ûrîa umaga kûrî Ngai.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.