Afil 2:1 - ÎVUKU RÎA ÛVORO MWARO

¹ Mwatûûra ndarî ya Kristû mûkethagîrwa mûrî na vinya, naguo wendo wake ûkamûmagîrîria. Gwatanagîrani mûrî na Roho Mûtheru; îgucanagîrani ntha na mûtuganage mûndû na mûndû ûrîa wîngî.

Afil 2:1 ပူးပေါင်းရင်းမြစ်များ

Thaburi 133:1

Kaî nî ûvoro mwaro na wî gîkeno-î, rîrîa andû a nyomba îmwe mekaranîtie marî na ûrûmwe!

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Johana 14:18

“Nie ndikûmûtiga ta ciana cia ndigwa; ngaamûcokerera.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Johana 17:13

Rîu nie nîkwa mbûkîte kûrî we. Nîraria maûndû mama nîrî gûkû nthî nîguo arûmîrîri akwa magîe na gîkeno gîcûru ta kîrîa nîrî nakîo.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

Aroma 5:5

Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.

Aroma 8:26

Na njîra ta îno, Roho nîatûtethagia nîûndû tûtirî na vinya. Nîûndû tûtiîcî ûrîa twagîrîrwe nî kûvoya. Nwatî Roho nîke ûtûthaithanagîrîra kûrî Ngai arî na mûcao ûtangîgweteka.

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

1Akor 15:31

Ariû na aarî a îthe wetû nîngucaga wa mûthenya wa mûthenya. Nîrauga ûguo nîûndû wenyu nîûndû tue tûtûûraga tûrî ûrûmwe na Mwathani wetû Jesû Kristû.

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

Agal 4:6

Na nîguo Ngai onanie atî tûrî ciana ciake, nîwatûmire Roho wa Mûriû wake ngororî cietû. Roho ûcio nîke ûtûmaga twîtane Vava.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 4:4

Kûrî mwîrî ûmwe na Roho ûmwe, wata ûrîa kûrî mwîrîgîrîro ûmwe ûrîa Ngai amwîtîrîte.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.