Afil 1:8 - ÎVUKU RÎA ÛVORO MWARO

⁸ Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 1:8 ပူးပေါင်းရင်းမြစ်များ

Ayubu 16:19

Nîmbicî mûira wakwa arî matuurî, mûnjirîrîri arî îgûrû.

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Aroma 1:9

Nake Ngai ûrîa ndungatagîra na ngoro yakwa yonthe na njîra ya kûvunjia Ûvoro Mwaro wa mûrû wake nî mûira atî nînîmûririkanaga

Aroma 9:1

Nie nîraria ûma nîrî ndaarî ya Kristû. Thamiri yakwa îrîa yathagwa nî Roho Mûtheru nî mûira wakwa atî ndirathaana.

2Akor 13:9

Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

2Akor 6:12

Tûtivingîte ngoro cietû kûrî mue, nî mue mûvingîte ngoro cienyu kûrî tue.

2Akor 7:15

Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

Agal 1:20

Maûndû mama nîramwîra nîma ma na Ngai nî mûira atî ndiraria maveeni.

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Afil 2:1

Mwatûûra ndarî ya Kristû mûkethagîrwa mûrî na vinya, naguo wendo wake ûkamûmagîrîria. Gwatanagîrani mûrî na Roho Mûtheru; îgucanagîrani ntha na mûtuganage mûndû na mûndû ûrîa wîngî.

Afil 2:26

Nîwîriragîria kûmwona muonthe na nîmûmaku mûno amenya atî nîmweguîte atî aarî mûrwaru.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

Akol 2:1

Nie nîrenda mûmenye ûrîa ndutîte wîra mûmû nîûndû wenyu na nîûndû wa andû a îtûûra rîa Laodikia na nîûndû wa andû arîa engî onthe mataanamona.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

1Ath 2:5

Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!

1Ath 2:8

Nîûndû wa ûrîa twamwendete, twa ûvoro mwaro wa Ngai wonga twevarîrîtie kûgaana namue, nwatî twevarîrîtie kûgaana namue nginya mîoyo yetû. Twekire ûguo nîûndû wa kûmwenda.

2Tim 1:4

Nîndirikanaga ûrîa warîrire na nînîrenda mûno gûkwona nîguo mbîcûrwe nî gîkeno.

File 1:12

Nie nîramûtûma rîu acoke kûrî we, na ngîgûtûmîra ke, nî ta ngoro yakwa nîragûtûmîra.

File 1:20

Kwoguo mûrû wa îthe wetû mwende, wenda tu ndethia nîûndû wa Mwathani. Canjamûra ngoro yakwa, nîûndû we na nie nîtwîtîkîtie Kristû.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?