Afil 1:30 - ÎVUKU RÎA ÛVORO MWARO

³⁰ Na rîu nwa mûnyitanîre nanie mbaararî. Mbaara îrîa mwonire ngîrûa mavinda marîa maavîtûkire nwa ta yo mûregua ngîrûa nginya rîu.

Afil 1:30 ပူးပေါင်းရင်းမြစ်များ

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Afil 1:13

Na nîûndû wa gîtûmi gîkî arangîri onthe a nyomba ya mûthamaki na andû arîa engî onthe nîmamenyete atî nie njovetwe njeera nîûndû nîrî ndungata ya Kristû.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

Akol 2:1

Nie nîrenda mûmenye ûrîa ndutîte wîra mûmû nîûndû wenyu na nîûndû wa andû a îtûûra rîa Laodikia na nîûndû wa andû arîa engî onthe mataanamona.

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.

1Tim 6:12

Rûa mbaara mbaro ya wîtîkio, nîguo ûgîe na mwoyo wa tene na tene ûrîa wetîrwe vîndî îrîa waumbûrire ûrîa wîtîkîtie Jesû Kristû ûrî mbere ya aira eengî.

2Tim 4:7

Nîndûîte mbaara mbaro, nîndîkîtie îvenya na mbîthîrîtwe menyererete wîtîkio ûrîa nthomithagia.

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Ahib 12:4

Nîûndû nîmûrûîte na mevia, nwatî mûtirî mûrarûa nginya mûgakinya kavinda ga kûûragwa.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.