Afil 1:19 - ÎVUKU RÎA ÛVORO MWARO

¹⁹ Nîûndû nîmbîcî atî nie nîndekererua nîûndû wa mavoya menyu wa vamwe na ûtethio ûrîa uumaga kûrî Roho wa Jesû Kristû.

Afil 1:19 ပူးပေါင်းရင်းမြစ်များ

Ciîko 16:7

Na rîrîa maakinyire mûvakarî wa vûrûri wa Mîsia nîmaageririe gûtonya vûrûrirî wa Bithînia, nwatî Roho wa Jesû ndaametîkîria.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:9

Nwatî mue mûtiathagwa nî mîîrî yenyu mwathagwa nî Roho, ethîrwa nama Roho wa Ngai atûûraga ndaarî yenyu. Mûndû wa wonthe wîthagîrwa atarî na Roho wa Kristû ûcio tî wake.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

2Akor 1:11

Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

Agal 3:5

Ngai amûvecaga Roho na akaringa ciama gatagatîrî kenyu nîûndû nîmûrûmagîrîra watho kana nîûndû nîmwîgucaga ûvoro mwaro na mûgawîtîkia?

Agal 4:6

Na nîguo Ngai onanie atî tûrî ciana ciake, nîwatûmire Roho wa Mûriû wake ngororî cietû. Roho ûcio nîke ûtûmaga twîtane Vava.

Afil 1:18

Ûndû ûcio mareka ndûrî na vata. Ûndû ûrîa ûrî na vata na ûngenagia nî atî Kristû avunjue na njîra îrîa îngîvoteka, wana ethîrwa îrî njîra îrîa mbaro kana îrîa njûku.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.