Aefeso 6:2 - ÎVUKU RÎA ÛVORO MWARO

² “Tîîa aguo na nyûkwe.” Rîîrî nîrîo rîathani rîa mbere rîrîa rîthagîrwa rîrî na kîîranîro,

Aefeso 6:2 ပူးပေါင်းရင်းမြစ်များ

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Nthi 20:20

Mûndû ûrîa ûrumaga îthe kana ng'ina, ûtûûro wake ûthiraga ta taa îvorete vîndî ya nduma.

Jeremia 35:18

Nwatî Jeremia nîwerire njiarwa cia Rekabu atî Ngai-Mûnene mwene vinya wonthe, Ngai wa Isiraeli augîte atîrî, “Mue njiarwa cia Rekabu nîmwathîkîrîte maathani ma îthe wenyu, nîmûrûmîrîrîte kîrîra gîake na mûkavingia maûndû marîa monthe aamwathire.

Jeremia 35:7

Mûtigatuma nyomba, mûtikarîma mîgûnda na mûtikethîrwa na mûgûnda wa mîthavibu. Nwatî mûgatûûraga magemarî ûtûûrorî wenyu wonthe nîguo mûtûûre vîndî ndaca vûrûrirî ûyû mûtûûraga mûrî ageni.’

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Aroma 13:7

Marîvageni onthe kîrîa mwagîrîrwe nî kûmarîva. Rutagani gooti rîrîa rîonthe mwagîrîrwe nî kûruta. Îtigagîreni arîa magîrîrwe nî gwîtigîrwa, na mûtîîe arîa magîrîrwe nî gûtîîwa.

Aefeso 6:3

“nîguo maûndû monthe maku mathiî waro na ûtûûre îvinda îraca gûkû nthî.”

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

1Tim 5:4

Nwatî ethîrwa mûndûmûka wa ndigwa arî na ciana kana aa ûcûwe, mbere nîmagîrîrwe nî kûmenya ûrîa magîrîrwe nî gûtethia mûciî wao ta ûrîa mûkristiano agîrîrwe nî gwîka. Na njîra ta îno makaarîvaga aciari ao, nîûndû ûndû ûcio nîguo ûkenagia Ngai.