Aefeso 6:13 - ÎVUKU RÎA ÛVORO MWARO

¹³ Kwoguo îkîrani wa rîu indo cia mbaara cia Ngai! Naguo mûthenya ûrîa maûndû marîa macûku mageekîka, nîmûkaavota kwîgitîra kuumana na nthû, na mwarîkia kûrûa nayo, mûgaatigwa mwîkindîrîtie.

Aefeso 6:13 ပူးပေါင်းရင်းမြစ်များ

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Amosi 6:3

Mue mûgeragia kûrega mûthenya mûcûku, nwatî mûgetîkîra arîa maathanaga na vinya.

Malaki 3:2

Nwatî nîûrîkû ûkavota kûmîrîria mûthenya ûrîa agaûka? Nîûrîkû ûkaûmîrîria vîndî îrîa akeyumîria? Nîûndû ke ekariî ta mwaki mûnene ûrîa ûtheragia cuuma, kana ta thabuni îrî na vinya îrîa îthambagia nguo ikathera mûno.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

2Akor 10:4

Indo cia mbaara irîa tûtûmagîra mbaararî yetû tî cia gûkû nthî, nwatî nî vinya wa Ngai. Vinya ûcio nîguo tûtûmagîra gûcûkangia vinya wa nthû cietû na kûthiria ngarari.

Aefeso 5:16

Kanya wa konthe karîa mûrî nako kavûthagîreni waro, nîûndû mîthenya îno nî mîcûku.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

Jakuvu 4:7

Kwoguo athîkîrani Ngai. Reganani na Ngoma nake nîakûûra aume kûrî mue.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”