Aefeso 6:1 - ÎVUKU RÎA ÛVORO MWARO

¹ Mue ciana, athîkagîrani aciari enyu nîûndû nîmwîtîkîtie Mwathani. Ûguo nîguo mwagîrîrwe nî gwîka.

Aefeso 6:1 ပူးပေါင်းရင်းမြစ်များ

Kîam 28:7

Esaû nwa wonire atî Jakovu nîwathîkîre îthe na ng'ina, na nîwathiîre Padani-aramu.

Kîam 37:13

Nake Isiraeli nîwerire Josefu atîrî, “Nîrenda gûgûtûma Shekemu kûrîa aa mûrwanyûkwe mararîthia.” Nake Josefu nîwacokirie atîrî, “Ndûma vava.”

Kîam 48:12

Josefu nîwathengutirie ciana icio kuuma ciaûrî cia Jakovu na akînamîrîria agîturumithia ûthiû wake vau mbere yake.

Kîam 50:12

Kwoguo avîcî a Jakovu nîmeekire wata ûrîa amaathîte.

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Esita 2:20

Esita ndaarî mûmenyithaniu mûvîrîga wake kana nyomba yake nîûndû aarî mûkanie nî Moridekai ndageke guo. Nake Esita nîwathîkîre Moridekai wata ûrîa aamwathîkagîra arî gwake mûciî, kûrîa aakûrîre.

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Thaburi 119:128

Kwoguo, nînûmagîrîra mawatho maku monthe; nînthûrîte njîra cionthe itarî cia ûma.

Thaburi 119:75

Nîmbicî atî we Ngai-Mûnene, ûtucaga ciira ûrîa kwagîrîrîte, na wamverithirie nîûndû ûrî mwîvokeku.

Thaburi 19:8

Mawatho ma Ngai-Mûnene nî ma ma, na arîa mamavingagia methagîrwa marî akenu. Maathani ma Ngai-Mûnene nî matheru, na nî mathomithagia mûndû.

Nthi 1:8

Mwana wakwa, thikagîrîria kîrîra Kîam aguo, ndûkaregane na ûrîa ûkûthomithua nî nyûkwe;

Nthi 23:22

Thikagîrîria aguo ûrîa wagûciarire, na ndûkanyarare nyûkwe vîndî îrîa agaakûra.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Nthi 6:20

Mwana wakwa, athîkagîra maathani ma aguo, na ndûgatiganîrie kîrîra Kîam nyûkwe.

Jeremia 35:14

Maûndû marîa Jonadabu mûvîcî wa Rekabu aathire ciana ciake, atî matikanyue ndivei, nîmaamarûmîrîre, na nginya ûmûnthî matiananyua ndivei nîûndû nîmathîkîrîte watho wa îthe wao. Nwatî mbîthîrîtwe ngîaria namue mavinda kwa mavinda na mûtimbîgucaga.

Jeremia 35:18

Nwatî Jeremia nîwerire njiarwa cia Rekabu atî Ngai-Mûnene mwene vinya wonthe, Ngai wa Isiraeli augîte atîrî, “Mue njiarwa cia Rekabu nîmwathîkîrîte maathani ma îthe wenyu, nîmûrûmîrîrîte kîrîra gîake na mûkavingia maûndû marîa monthe aamwathire.

Jeremia 35:8

Nîtwathîkîrîte mûgambo wa Jonadabu mûvîcî wa Rekabu, îthe wetû, maûndûrî monthe marîa atwathîte. Tue tûtiananyua ndivei tue ene, aka etû, anake etû kana aarî etû,

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 16:2

Mwamûkîreni nîûndû ke nîwîtîkîtie Mwathani, wata ûrîa andû a Ngai magîrîrwe nî kwamûkîrwa. Mûtethieni na kîrîa kîonthe angîvatara, nîûndû ke aanandethia na aanatethia andû eengî.

Aroma 7:12

Kwoguo, watho guo mwene nî mûtheru na rîathani nî rîtheru, rîrî kîvooto na nî rîaro.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Gûco 21:18

“Ethîrwa mûndû arî na mwana mûmû kîongo na mûremi na ûtathîkagîra îthe kana ng'ina wana mamûverithia,

1Tim 5:4

Nwatî ethîrwa mûndûmûka wa ndigwa arî na ciana kana aa ûcûwe, mbere nîmagîrîrwe nî kûmenya ûrîa magîrîrwe nî gûtethia mûciî wao ta ûrîa mûkristiano agîrîrwe nî gwîka. Na njîra ta îno makaarîvaga aciari ao, nîûndû ûndû ûcio nîguo ûkenagia Ngai.

1Pet 2:13

Nîûndû wa Mwathani, athîkagîrani andû onthe arîa marî wathanirî. Athîkagîrani wathani wa mûthamaki ûrîa mûnene wa Roma.

Ruthu 3:5

Ruthu nîwacokirie atîrî, “Maûndû mau monthe wambîra mbîke, nîngûmeka.”

1Sam 17:20

Daudi nîwaûkîrire kîraûko tene mûthenya ûcio wîngî, agîtigîra ng'ondu mûndû wîngî wa kûirîthia, agîoca irio na akîthiî wata ûrîa Jesii aamwathîte. Daudi aakinyire kûrîa maambîte magema vîndî îrîa Aisiraeli maarî vakuvî kumagara mathiîte mbaararî makiugagîrîria nîûndû wa mbaara.