Aefeso 5:21 - ÎVUKU RÎA ÛVORO MWARO

²¹ Athîkanagîrani mûndû na ûrîa wîngî nîûndû wa ûrîa mûtîîte Kristû.

Aefeso 5:21 ပူးပေါင်းရင်းမြစ်များ

Kîam 16:9

Nake mûraika wa Ngai-Mûnene nîwerire Hagari atîrî, “Coka kûrî ke na ûmwathîkagîre.”

1Maû 29:24

Anene onthe, andû arîa maarî vinya na andû onthe a mûthamaki Daudi nîmeranîre atî makaathîkagîra mûthamaki Solomoni.

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Nehemia 5:9

Kwoguo nînaugire atîrî, “Ûndû ûcio mûreka tî mwaro! Mwagîrîrwe nî kwathîkîra Ngai na mwîke ûrîa kwagîrîrîte. Na mweka ûguo tîmûva nthû cietû na nîo andû a ndûrîrî kamweke ga gûtûthekerera.

Nthi 24:21

Mwana wakwa îtigîre Ngai-Mûnene na ûtîîe mûthamaki, ndûkanyitanîre na arîa maregaga kwathîkîra Ngai-Mûnene kana mûthamaki.

1Akor 16:16

mwathîkagîre andû ta acio na mûndû wîngî wa wonthe ûrîa ûrutaga wîra na agatungata vamwe nao.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Aefeso 5:22

Mue aka, athîkagîrani athuuri enyu wata ûrîa mûngîathîkîra Mwathani.

Aefeso 5:24

Kwoguo mûndûmûka nîathîkagîre mûthuuri wake maûndûrî monthe wata ûrîa kanitha wathîkagîra Kristû.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

1Tim 2:11

Aka magîrîrwe nîkwîthîrwa makirîte na menyivîtie rîrîa makûthomithua.

1Tim 3:4

Nwa nginya ethîrwe arî mûndû ûvotete kûmenyerera mûciî wake waro na ûvotete gûtûma ciana ciake imwathîkîre na imûtîîe na njîra cionthe.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

1Pet 2:13

Nîûndû wa Mwathani, athîkagîrani andû onthe arîa marî wathanirî. Athîkagîrani wathani wa mûthamaki ûrîa mûnene wa Roma.

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”