Aefeso 5:2 - ÎVUKU RÎA ÛVORO MWARO

² Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Aefeso 5:2 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:25

Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:17

Nîagaacoka amînyite mathagu na amîtarûranie, nwatî ndakaamîtucanie, na amîvîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.”

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 3:16

Mûthînjîri-Ngai nî akaavîvîria indo icio cionthe îgûrû rîa metha ya kîgongoona irî irio irutîrîtwe Ngai-Mûnene irî îtega rîa kûvîvua rîrî na mûtararûko wa kûmûkenia. Mathunya monthe ma nyamû irîa itegagîrwa Ngai-Mûnene nî ma Ngai-Mûnene.

Amosi 5:21

Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Ndari 7:21

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Johana 13:34

Na rîu nîngûmûva rîathani rîcerû: Endanagani. Nwa nginya mwendanage wata ûrîa nîmwendete.

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aroma 4:25

Ke nî waûragirwe nîûndû wa mevia metû na agîcoka akîriûka nîguo tûtuîke athingu.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Aroma 8:37

Nwatî maûndûrî mama monthe, tue nîtûvootanîte na njîra ya ûcio watwendire.

1Akor 16:14

Rutagani wîra wenyu wonthe mûrî na wendani.

1Akor 5:7

Kwoguo îrireni mevia menyu marîa mekariî ta ndawa îno ngûrû ya kwimbia nîguo mûtuîke andû acerû viû wata mûtu ûrîa ûkandîtwe ûtarî mwîkîre ndawa ya kwimbia. Na nîmbicî atî ûguo nîguo mwîkariî, nîûndû Kristû nîwarutirwe arî Gatûrûme ga kîgongoona îrugarî rîetû rîa pasaka.

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

2Akor 2:15

Nîûndû tue twîkariî ta ûbani ûrîa ûnungaga waro ûtegeretwe Ngai nî Kristû. Naguo nîûtambaga gatagatîrî ka arîa maravonokua na arîa maraûra.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Agal 1:4

Kristû nîwerutire ke mwene nîûndû wa mevia metû nîguo atûkûûre kuuma maûndûrî marîa macûku ma mavinda mama. Kristû eekire ûguo kûringana na wendi wa Ngai na nîke îthe wetû.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Aefeso 3:19

Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Aefeso 4:15

Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Aefeso 5:25

Namue athuuri, endagani aka enyu wata ûrîa Kristû eendire kanitha na akîîruta nîûndû waguo.

Gûco 27:6

Mûgaatuma metha ya kîgongoona ya Ngai-Mûnene Ngai wenyu na mathiga matarî maumie. Vau nîvo mûkaarutîra Ngai-Mûnene, Ngai wenyu magongoona ma kûvîvua.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.

Akol 3:14

Na maûndû mau monthe, endanagani nîûndû wendani nîguo ûgwatithanagia andû onthe na ngwatanîro nginyanîru.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 8:3

Mûthînjîri-Ngai mûnene wa wonthe athuuragwa nîguo avirage matega na magongoona ma nyamû kûrî Ngai. Kwoguo nwanginya Mûthînjîri-Ngai mûnene wetû ethîrwe arî na kîndû gîa gûtegera Ngai.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Ahib 9:23

Kwoguo kwarî na vata indo irîa ivuana irîa irî îgûrû itherue na njîra ya magongoona mau. Nwatî indo cio mene irîa irî îgûrû nî ivatarîte mûno kûtherua na magongoona maro gûkîra mau.

Ahib 9:26

Nîûndû Kristû angîekire ûguo, nîangîatuîkire wa kûthînua maita meengî mûno kuuma rîrîa nthî yaûmbirwe. Nwatî rîu kûringana na ûrîa kûvana, aaûkire rita rîmwe rîa kwîgana mavinda monthe nîguo na njîra ya îgongoona rîake ke mwene, andû maume meviarî.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.