Aefeso 5:19 - ÎVUKU RÎA ÛVORO MWARO

¹⁹ Aranagîriani na ciugo cia thaburi, nyîmbo cia gûkumia Ngai na nyîmbo cia kîîroho. Inagîrani Mwathani na mûmûkumagie na ngoro cienyu cionthe.

Aefeso 5:19 ပူးပေါင်းရင်းမြစ်များ

Thaburi 147:7

Inîrani Ngai-Mûnene mûkîmûcokagîria ngatho, inîrani Ngai wetû mûkîvûraga mîtûrirû.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Thaburi 86:12

Nîngûgûkumia we Mwathani Ngai wakwa na ngoro yakwa yonthe, na nîndûûra ngumagia ûnene wa rîîtwa rîaku tene na tene.

Thaburi 95:2

Nîtûthiîni mbere yake tûrî na ngatho, nîtûmûkûngûîre na nyîmbo cia kûmûkumia tûkenete.

Isaia 65:14

Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.

Mathaayo 15:8

Ngai augîte atîrî, ‘Andû aya mamvecaga gîtîîo na mîromo nwatî ngoro ciao irî kûraca nanie.

Mathaayo 26:30

Nao marîkia kwina rwîmbo, nîmaaumire kûu nyomba makîthiî kîrîmarî Kîam mîtî ya Mîtamaiyû.

Ciîko 16:25

Na vakuvî ûtukû gatagatî Paûlo na Sailasi nîmaavoyaga makinagîra Ngai nyîmbo cia kûmûkumia. Nao andû acio engî moovetwe nîmaamathikîrîrîtie.

1Akor 14:15

Nie mbagîrîrwe nî gwîka atîa vi? Mbagîrîrwe nî kûvoya na roho wakwa na meciria makwa. Na rîrîa ngwina mbagîrîrwe nî kwina na roho wakwa na meciria makwa.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

Jakuvu 5:13

Nîkûrî mûndû wana ûmwe gatagatîrî kenyu wî na mathîna? Nîwagîrîrwe nî kûvoya. Nîkûrî na mûndû wana ûmwe gatagatîrî kenyu wî na gîkeno? Nîwagîrîrwe kwina nyîmbo cia ûkumio.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.