Aefeso 5:18 - ÎVUKU RÎA ÛVORO MWARO

¹⁸ Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Aefeso 5:18 ပူးပေါင်းရင်းမြစ်များ

Kîam 9:21

Nuhu nîwanyuire ndivei ya mîthavibu îo, akîrîwa na akîruta nguo na akîmama îgemarî rîake arî njaga.

Thaburi 69:12

Andû mangutaga marî njîrarî, nayo mîrîu îtungaga nyîmbo cia kûûmina.

Nthi 20:1

Ndivei îretage înegene na njovi ndûrû îretage ngucanio, na mûndû ûrîa ûinyunyaga nî kîrimû.

Rwîmbo rwa Nyîmbo 1:4

Mboca tûthiî nawe na îvenya, tuîka mûthamaki wakwa na ûmvire gwaku mûciî. Tûgakenaga tûrî vamwe, tûgakumagia wendo waku gûkîra ndivei. Aka onthe nîmakwendete.

Rwîmbo rwa Nyîmbo 7:9

Mîromo yaku nî ta ndivei mbaro mûno. Ndivei nînyûrûrûke nginya kûrî mwendwa wakwa, îvîtûkîrîre gatagatî ka mîromo yake na magego make.

Isaia 25:6

Kîrîmarî gîkî gîa Zayuni, nîkuo Ngai-Mûnene mwene vinya wonthe akaavarîrîria andû onthe kîrugo Kîam nyamû noru, ndivei îrîa mbaro ya kûvivwa, nyamû noru irî na maguta mavîndîrî na ndivei îno ntheru îvivîtwe waro.

Isaia 5:22

Mue arîa mwatuîkîte tûnavû twa ndivei kaî mûrî na thîna-î! njorua cia kûnyua mîthemba mwanyamwanya ya njovi.

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Alawi 10:9

“We kana avîcî aku mûtikanyue ndivei kana njovi rîrîa mûgûtonya îgemarî rîa Ngai-Mûnene. Mweka ûguo nî mûgaakua. Watho ûyû nîûtûûra ûrûmagîrîrwa nî njiarwa ciaku cionthe tene na tene.

Mathaayo 23:25

“Na kaî mue arimû a Watho na Afarisai mûrî na thîna-î! Mue mvinga ino! Mûthambagia ikombe na thaani cienyu gûkû îgûrû, nwatî ndaarî gwîcûrîte indo irîa mwonete na njîra ya gûcuunana na ya wîyendi.

Mathaayo 24:49

Kwoguo yo îkambîrîria kûriva ndungata irîa ciîngî, na yambîrîrie kûrîa na kûnyua na mîrîu.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 11:13

Ethîrwa mue wana mûrî acûku nîmûmenyaga kûva ciana cienyu indo mbaro, nî maita megana îthe wenyu ûrîa ûrî îgûrû angîvecana Roho Mûtheru kûrî andû arîa mamwîtagia!”

Luka 12:45

Nwatî ndungata îo îngîîra atîrî, ‘Mwathi wakwa nîagwîkara kavinda karaca ma agîgaacoka,’ na yambîrîrie kûriva ndungata cia arûme na cia aka irîa irî kuo, na îcoke yambîrîrie kûrîa na kûnyua ndivei nginya îkarîwa,

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Johana 2:10

na akîmwîra atîrî, “Mûndû wa wonthe ambaga kûraîra ageni ndivei îrîa mbaro, na manyua megania nîacokaga akamaraîra ndivei îrîa îtarî mbaro mûno. Nwatî we ûrambîte kwiga ndivei îrîa mbaro nginya rîu!”

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

1Akor 11:21

Nîûndû vîndî îrîa mûrarîa, wa mûndû arîcaga irio ciake atakwamba gweterera arîa engî. Andû amwe methagîrwa mavûtiî na arîa engî makethîrwa marî mîrîu.

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

Gûco 21:20

Aciari acio nîmakeera atongoria a îtûûra atî: ‘Mwana wetû nî mûmû kîongo na nî mûremi. Ndatwathîkagîra, nî mûkoroku na nî mûrîu.’

1Ath 5:7

Nîûndû ûtukû nîrîo andû mamamaga, ûtukû nîrîo andû manyunyaga njovi makarîwa.

Tito 1:6

nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.