Aefeso 5:17 - ÎVUKU RÎA ÛVORO MWARO

¹⁷ Kwoguo tigagani gûtuîka irimû. Nwatî geragiani kûmenya ûrîa Mwathani endaga mwîke.

Aefeso 5:17 ပူးပေါင်းရင်းမြစ်များ

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Thaburi 119:27

Ndethia gûtaûkîrwa nî mawatho maku; na nîngwîciria na vinya îgûrû rîgiî maûndû maku ma magegania.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Nthi 2:5

weka ûguo nîrîo ûkaamenya gwîtigîra Ngai-Mûnene na ûgîe na ûmenyo wa Ngai.

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 5:18

na mûcokagie ngatho maûndûrî monthe. Ûguo nîguo Ngai endaga mûtûûre mue arîa mwîtîkîtie Jesû Kristû.

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.