Aefeso 5:15 - ÎVUKU RÎA ÛVORO MWARO

¹⁵ Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Aefeso 5:15 ပူးပေါင်းရင်းမြစ်များ

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

Ayubu 2:10

Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Thaburi 73:22

naarî kîrimû na ndiamenyaga ûndû, nekariî ta nyamû na ndiakûmenyaga.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Nthi 15:21

Mûndû kîrimû nîakenagua nî ûrimû wake, nwatî mûndû mûûgî ekaga maûndû marîa magîrîru.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 25:2

Atano marî aûgî na atano marî aritu.

Mathaayo 27:24

Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Mathaayo 8:4

Nake Jesû nîwamwîrire atîrî, “Tathikîrîria, ndûkeere mûndû wana ûrîkû ûrîa gwekîka, nwatî thiî ûkeyonanie kûrî mûthînjîri-Ngai nîguo one atî nîwavonua na ûrute îgongoona rîrîa Musa aathanire rîrutagwe, nîguo rîtuîke ûira kûrî o atî we nîwavonua.”

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

Agal 3:1

Mue Agalatia aya aritu! Nû wamûrogire? Nîmwataarîrue waro ûrîa Kristû aakwire arî mûtharavarî.

Agal 3:3

Nîkwa mûritîte atîa? Mue mwambîrîrie na Roho na rîu mûrenda kûrîkîrîria na vinya wa mwîrî?

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Jakuvu 3:13

Nîkûrî na andû gatagatîrî kenyu marî na ûûgî na ûtaûku? Nîmwagîrîrwe nîkûwonania na njîra ya mîtûûrîre yenyu mîaro na njîra ya ciîko cienyu mbaro ciîkîtwe na wînyivia na ûûgî.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.