Aefeso 5:14 - ÎVUKU RÎA ÛVORO MWARO

¹⁴ nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Aefeso 5:14 ပူးပေါင်းရင်းမြစ်များ

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Luka 15:24

nîûndû mwanake ûyû wakwa ararî mûkuû, nwatî rîu nîmûriûku; ararî mûru nwatî rîu nîmwoneku.’ Na kwoguo nîmaambîrîrie gûkenanîra.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 9:5

Îvinda rîrîa ngwîthîrwa nîrî gûkû nthî, nîmbîthîrwa nîrî ûtheri wa nthî.”

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Aefeso 2:1

Mue mwarî akuû kîîroho nîûndû wa ûremi na mevia menyu.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Akol 3:1

Mue nîmwariûkirue vamwe na Kristû kwoguo îriragîrieni kîrîa kîrî îgûrû, kûrîa Kristû ekarîte mwena wa ûrîo wa Ngai.

1Ath 5:6

Kwoguo tûtiagîrîrwe nî kwîthîrwa tûmamîte ta andû arîa engî, twagîrîrwe twîthagîrwe twîîguîte na tûterigîtwe.

2Tim 1:10

Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.