Aefeso 4:5 - ÎVUKU RÎA ÛVORO MWARO

⁵ Kûrî Mwathani ûmwe, wîtîkio ûmwe na ûvatithio ûmwe.

Aefeso 4:5 ပူးပေါင်းရင်းမြစ်များ

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Aroma 3:30

Ngai nî ûmwe, na agaatûma Ayahudi matuîke athingu na njîra ya gwîtîkia kwao, na andû a Ndûrîrî magaatua athingu na njîra ya gwîtîkia kwao.

1Akor 1:13

Anga Kristû nî agaûkanîtue? Paûlo nîke wambirwe mûtharavarî nîûndû wenyu? Mue mwavatithirue na rîîtwa rîa Paûlo?

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

1Akor 12:5

Kûrî njîra nyîngî cia gûtungata nacio, nwatî nî Mwathani wa ûcio ûmwe ûtungatagwa.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

2Akor 11:4

Nîûndû mue nîmûkiragîrîria mûndû wa wonthe ûrîa ûkaga kûrî mue na akamûvunjîria Jesû wîngî tiga ûrîa twamûvunjîrie. Na nîmwamûkagîra roho na mûgetîkîra ndûmîrîri îngî ngûrani mûno kuuma kûrî Roho na ûvoro mwaro ûrîa mwamûkîre kuuma kûrî tue.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 4:13

Kwoguo tûrî vamwe tuonthe nîtûkaagîa na ûrûmwe wa wîtîkio na wa kûmenya Mûriû wa Ngai. Nîtûgaatuîka andû agima na tûkinyîre wîcûru wa ûgima wa Kristû.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Tito 1:1

Kuuma kûrî Paûlo ndungata ya Ngai na mûtûmwa wa Jesû Kristû. Nie naathuurirwe na ngîtûmwa ngatethererie andû arîa athuure nî Ngai ûvororî wa gwîtîkia na nîmamenyithie ûvoro wa ma, ûrîa ûthomithanîtue nî ndini yetû.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Ahib 6:6

Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.

Jakuvu 2:18

Nwatî mûndû ûmwe nwa auge atîrî, “We ûrî na wîtîkio, nwatî nie nîrî na ciîko.” Nie nwa nîmûcokerie atîrî, “Monia ûrîa mûndû angîvota kwîthîrwa arî na wîtîkio vatarî na ciîko, nanie nîngûkwonia wîtîkio wakwa na njîra ya ciîko irîa mbîkaga.”

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Juda 1:20

Nwatî mue arata akwa, îkaragani mûgîkûraga wîtîkiorî wenyu ûrîa mûtheru viû. Voyagani mûrî na vinya wa Roho Mûtheru.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.