Aefeso 4:32 - ÎVUKU RÎA ÛVORO MWARO

³² Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.

Aefeso 4:32 ပူးပေါင်းရင်းမြစ်များ

2Sam 7:21

Warî wendi na mûvango waku wa gwîka ûguo. Wîkîte maûndû mama monthe manene ûguo nîguo ûnthomithie,

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Thaburi 145:9

Ngai-Mûnene nîekaga andû onthe waro, na nîegucagîra ciûmbe ciake cionthe ntha.

Nthi 12:10

Andû arîa athingu marî ntha na nyamû ciao irîa marîthagia, nwatî andû arîa aganu matirî ntha na nyamû ciao.

Nthi 19:11

Mûndû mûûgî ndarakaraga na îvenya, na rîrîa avîtîrua nîarekanagîra.

Nthi 19:22

Ûndû ûrîa mwagîrîru kuumana na mûndû nî wîvokeku, nîkava mûndû mûthîni gûkîra mûndû ûrîa ûveenanagia.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Jeremia 38:12

Nake Ebedimeleku Mûethiopia nîwerire Jeremia atîrî, “Îkîra matangari na nguo icio ngavûarî, ûcoke ûvîtûkîrie mûkanda ûcio îgûrû rîa matangari mau.” Jeremia nîwekire guo.

Mathaayo 6:12

Twovere mevia marîa twîkîte, wata ûrîa twovagîra arîa matûvîtîrîtie.

Maariko 11:25

Rîrîa rîonthe mûrûngamîte mûkîvoya, ovagîrani andû onthe arîa mamûvîtîrîtie nîguo îthe wenyu ûrîa wî îgûrû wa nake amwovagîre mevia menyu.” [

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Luka 11:4

na ûtwovagîre mevia metû, nîûndû wa natue nîtwovagîra andû onthe arîa matûvîtagîria. Na ndûgatûvire mageriorî.’ ”

Luka 17:4

Na angîkûvîtîria maita mûgwanja mûthenya ûmwe, na wa riita rîrîa aakûvîtîria aûke kûrî we na akwîre atîrî, ‘Nie nînavera,’ we nwa nginya ûmwovere.”

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Luka 6:37

“Mûtigatucanîre ciira, na wanamue mûtigaatuîrwa. Mûtigekûûe andû arîa engî na wanamue mûtigeekûûîrwa. Ovanagîrani na wanamue nî mûkooverwa.

Ciîko 28:2

Nao andû arîa maatûûraga kuo nîmaatûtugire waro mûno. Na nîûndû nîkwambîrîrîtie kuura mbura na kwarî na mvevo nyîngî, nîmaakirie mwaki na magîtûnyita ûgeni tuonthe.

Aroma 12:10

Endanagani mûndû na ûrîa wîngî ta andû a ng'ina ûmwe. Vecanagani gîtîîo mûndû na ûrîa wîngî.

1Akor 13:4

Wendani nîûkiragîrîria na nîûtuganaga. Wendani ndûrî wîru, ndwîgathaga na ndûrî mwîtîîo.

2Akor 2:10

Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

2Akor 2:7

Nwatî rîu nîmwagîrîrîtwe nî kûmwovera na kûmûmîrîria nîguo ndakathiî mbere kûgîa na kîeva kîrîa kîngîtûma ata mwîvoko.

2Akor 6:6

Na njîra ya ûtheru wetû, ûmenyo, ûkirîrîria, kwîgucanîra ntha, nîtwîyonanîtie atî tûrî ndungata cia Ngai. Twîkîte ûguo na njîra ya Roho Mûtheru, wendani wetû wa ma, na

Aefeso 5:1

Nîûndû mûrî ciana mende cia Ngai, geragiani kûvanana nake.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

2Pet 1:7

Ûngairî wenyu mwongagîrîre ûtaana kûrî aarî na ariû a îthe wetû, ûtaanarî wenyu kûrî aarî na ariû a îthe wetû mwongagîrîre wendani.

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

1Joh 2:12

Nîramwandîkîra mue ciana ciakwa, nîûndû mûrî overe mevia menyu nîûndû wa ûrîa Kristû eekire.

Ruthu 2:20

Naomi nîwamwîrire atîrî, “Ngai-Mûnene arorathima Boazu! Ngai-Mûnene atugaga waro andû arîa marî mwoyo wana arîa akuû.” Naomi nîwacokire akîîra Ruthu atîrî, “Mûndû ûcio nî wa mbarî yetû, na nî ûmwe wa arîa mangîtûgaa.”