Aefeso 4:30 - ÎVUKU RÎA ÛVORO MWARO

³⁰ Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

Aefeso 4:30 ပူးပေါင်းရင်းမြစ်များ

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

Kîam 6:6

Ngai-Mûnene nîweririre nîûndû wa kûmba andû na kûmaiga gûkû nthî. Nîweririre mûno ngororî yake na

Thaburi 78:40

Nîmaareganire na Ngai maita meengî marî werûrî, na maita meengî nîmaamwîguithirie kîeva.

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Isaia 43:24

We ndwangûrîra ûbani, kana ûmvaithia na nyama irîa noru cia magongoona maku. Vandû va ûguo we nîûnditûvîrîte na mevia maku, nîûnogetie na mavîtia marîa wîkîte.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Ezek 16:43

We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Luka 21:28

Vîndî îrîa maûndû mama makaambîrîria gwîkîka, mûkaarûngama na mûkîrîrie ciongo cienyu na îgûrû, nîûndû ûvonokio wenyu ûkeethîrwa ûrî vakuvî.”

Johana 3:33

Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

Aroma 8:23

Nwatî twa ciûmbe cionga tu icaaga, wana tue ene arîa tûrî na Roho ûrî ta kîveo Kîam mbere Kîam iveo cia Ngai nîtûcayaga na kûu ndaarî yetû wa tûgîetagîrîra Ngai atûtue ciana ciake na atûkûûre viû kuuma ûkomborî.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 15:54

Kwoguo vîndî îrîa mwîrî ûrîa woraga ûkaagarûrûka ûtuîke mwîrî ûrîa ûtoraga, na mwîrî ûrîa ûkucaga naguo ûgarûrûke ûtuîke mwîrî ûrîa ûtakucaga, mandîko matheru nîmakaavingua marîa maugîte atîrî: “Gîkuû nîgîcûkangîtue, ûvootani nî mûkinyanîru!”

1Ath 5:19

Mûtikavorie mwaki wa Roho;

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 3:10

Kwoguo nînaarakarirue nî andû acio, na ngiuga atîrî, ‘Aya nî andû matûîre marî aremi, na matiîcî njîra ciakwa.’

Ahib 3:17

Nî andû arîkû maarakaririe Ngai kavinda ka mîaka mîrongo îna? Kinthî tî andû arîa meevirie na magîkuîra kûu werûrî?

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.