Aefeso 4:3 - ÎVUKU RÎA ÛVORO MWARO

³ Geragiani na kîîo mûno gûtûûra mûrî na ûrûmwe ûrîa ûretagwa nî Roho na njîra ya thayû ûrîa ûmûnyitithanîtie vamwe.

Aefeso 4:3 ပူးပေါင်းရင်းမြစ်များ

1Atha 16:21

Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

Ntha 28:32

Nguo îo ndaca îthagîrwe îrî na îrima rîa gûtonyia kîongo. Kûthiûrûrûkîria îrima rîa kîongo îtumîrîrwe muno wa kûrigîrîria ndîgatembûke.

Mûvunjia 4:12

Mûndû arî wenga nwa avootwe nî nthû, nwatî marî aîrî nîmetiragîria nthû. Mûkanda wa ndigi ithatû ndûtuîkaga na îvenya.

Maariko 3:24

Ûthamaki wa wonthe ûngîîgaûkania, ûthamaki ûcio ndûngîvota kwîrûngamia.

Johana 13:34

Na rîu nîngûmûva rîathani rîcerû: Endanagani. Nwa nginya mwendanage wata ûrîa nîmwendete.

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Aefeso 4:13

Kwoguo tûrî vamwe tuonthe nîtûkaagîa na ûrûmwe wa wîtîkio na wa kûmenya Mûriû wa Ngai. Nîtûgaatuîka andû agima na tûkinyîre wîcûru wa ûgima wa Kristû.

Aefeso 4:4

Kûrî mwîrî ûmwe na Roho ûmwe, wata ûrîa kûrî mwîrîgîrîro ûmwe ûrîa Ngai amwîtîrîte.

1Ath 5:13

Mavecageni gîtîîo kînene na mûmendage nîûndû wa wîra ûcio wao. Îthagîrwani mûrî na thayû gatagatîrî kenyu.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.