Aefeso 4:26 - ÎVUKU RÎA ÛVORO MWARO

²⁶ Mûngîrakara, mûtigetîkîre marakara menyu matûma mwîvie na mûtigekare mûrakarîte mûthenya wonthe.

Aefeso 4:26 ပူးပေါင်းရင်းမြစ်များ

Thaburi 37:8

Ndûkagîe na marakara kana ûnyitwe nî mang'ûrîka, Mûtigatangîke nîûndû nwagûtûme wîke ûndû mûcûku.

Thaburi 4:4

Ndûgatûme marakara maku matûme wîvie; îîcirie mûno îgûrû rîgiî ciugo ino, rîrîa ûmamîte ûrîrî gwaku ûkirîte.

Ntha 11:8

Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Nthi 14:29

Mûndû ûrîa ûtarakaraga na îvenya arî ûtaûku mwîngî, nwatî mûndû ûrakaraga na îvenya onanagia ûrîa arî mûritu.

Nthi 19:11

Mûndû mûûgî ndarakaraga na îvenya, na rîrîa avîtîrua nîarekanagîra.

Nthi 25:23

Rûkûngi rwa mwena wa rûgûrû rûretaga mbura, nacio njukû iretaga marakara.

Mûvunjia 7:9

Ndûkarakarage na îvenya, nîûndû marakara mekaraga kûrî irimû.

Ndari 20:24

“Aroni tîatonya vûrûri ûrîa neranîre atî nîngaava andû a Isiraeli. Ke nîagûkua nîûndû mue muoîrî nîmwareganire na ûrîa namwathire nîrî Meriba.

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Maariko 10:14

Rîrîa Jesû oonire ûguo nîwarakarire na akîîra arutwa ake atîrî, “Îtîkîriani twana tûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Gûco 24:15

Marîvageni wa mûthenya wîra ûrîa matinda makîruta mbere ya gûtuka, nîûndû methagîrwa mevokete mbeca icio. Ûngîrega kûmarîva, nwa marîrîre Ngai-Mûnene, naguo ûndû ûcio ûgatuîka wîvia kûrî mue.

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

Jakuvu 1:20

Nîûndû marakara matingîtûma mûndû akinyire ûthingu wa Ngai.

1Sam 20:34

Jonathani nîwarûngamire na akiuma vau metharî arakarîte mûno, na ndaarîa kîndû mûthenya ûcio. Ûcio warî mûthenya wa kaîrî wa kîrugo gîa karûngamo ka mweri. Jonathani nîweguîrîre Daudi kîeva mûno nîûndû Saûlo nîwamûcambithîtie.