Aefeso 4:15 - ÎVUKU RÎA ÛVORO MWARO

¹⁵ Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Aefeso 4:15 ပူးပေါင်းရင်းမြစ်များ

Thaburi 32:2

Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.

Zakaria 8:16

Maûndû marîa mwagîrîrwe nîgwîka nî kwaranagîria ûûma mûndû na mûndû ûrîa wîngî, gûtua ciira na kîvooto kîrîa kîngîrete thayû.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

1Akor 11:3

Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

2Akor 8:8

Nie ndiramwîra ûguo takwa nîramwatha. Nwatî na njîra ya ûrîa arîa engî mendete gûtethia, nîrenda kûmenya ûrîa wendo wenyu wana guo ûrî wa ma.

Aefeso 1:22

Ngai nîwaigire maûndû monthe rungu rwa magûrû ma Kristû na akîmûtua Mwathani wa indo cionthe nîûndû wa kanitha.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 2:21

Ke nîke ûtûmaga nyomba îo yonthe îgwatane vamwe na îneneve îtuîke hekarû ntheru îtegeretwe Mwathani.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 5:23

Nîûndû mûthuuri nîke wathaga mûndûmûka wata ûrîa Kristû arî ke wathaga kanitha. Na Kristû ke mwene nîke Mûvonokia wa Kanitha, ûrîa arî guo mwîrî wake.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

Atir 16:15

Delila nîwerire Samusoni atîrî, “Ûngîvota kuga nî ûmendete atîa na ngoro yaku îtarî kûrî nie? Ûnthekererete maita mathatû na nginya rîu ndûrî mûmbîru kûrîa vinya ûcio waku mwîngî ûguo ûrî.”