Aefeso 3:21 - ÎVUKU RÎA ÛVORO MWARO

²¹ Ngai arokumua kanitharî na njîra ya Jesû Kristû kuuma njiarwa na njiarwa nginya tene na tene! Ameni.

Aefeso 3:21 ပူးပေါင်းရင်းမြစ်များ

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Isaia 42:12

Arîa onthe matûûraga ndeererî cia îria, nîmakumie Ngai-Mûnene na mamûgooce.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Aroma 11:36

Nîûndû indo cionthe ciaûmbirwe nîke na indo cionthe itûîre nîûndû wa ûvoti wake na nî ciake. Nake arokumua tene na tene! Ameni!

Aroma 16:27

Nake Ngai ûrîa wîthagîrwa arî na ûûgî maûndûrî monthe, arotûûra agoocagwa na njîra ya Jesû Kristû tene na tene! Ameni.

Agal 1:5

Ngai arokumua tene na tene! Ameni.

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

Aefeso 2:7

Eekire ûguo nîguo mavindarî monthe marîa magaaûka akoonania magegania na ûnene wa wega wake. Eekire ûguo na njîra ya wendo ûrîa aatwonirie na njîra ya Jesû Kristû.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

Afil 4:20

Ngai na nwake Vava wetû arokumua tene na tene! Ameni.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Pet 5:11

Ûthamaki wonthe ûrotuîka wake tene na tene! Ameni.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

Juda 1:25

Ke nîke Ngai mûvonokia wetû. Na njîra ya Mwathani wetû Jesû Kristû, Ke arogîa na riiri, ûnene, ûthamaki na wathani, kuuma Kîammbîrîria, rîu na nginya tene na tene! Ameni.