Aefeso 3:2 - ÎVUKU RÎA ÛVORO MWARO

² Nîrî na ma nîmwîguîte atî Ngai na njîra ya wega wake nîwamûvere wîra ûyû nîûrute nîûndû wenyu.

Aefeso 3:2 ပူးပေါင်းရင်းမြစ်များ

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 22:21

Nake Mwathani nîwambîrire atîrî, ‘Thiî rîu, nîûndû nie nîngûgûtûma kûraca ûthiî kûrî andû a ndûrîrî.’ ” Kîrîndî kîu Kîamthikîrîrie Paûlo nginya rîrîa aaugire ûguo.

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 11:13

Rîu nîraria na mue andû a Ndûrîrî. Rîrîa rîonthe mbîthagîrwa nîrî mûtûmwa kûrî andû a ndûrîrî nînîrutanagîria ûtungatarî wakwa,

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

1Akor 4:1

Andû magîrîrwe nîgûtwonaga tûrî ndungata cia Kristû, irîa ciîvokeretwe wîra wa kûvunjia maûndû ma Ngai marîa marî nthithorî.

Agal 1:13

Mue nîmwîguîte ûvoro wîgiî mûtûûrîre wakwa wa na vau mbere rîrîa naarûmagîrîra ndini ya Ayahudi. Nînaanyariraga kanitha wa Ngai ndarî na ntha na nînaageragia mûno kûûthiria.

Aefeso 1:10

Mûvango ûrîa Ngai akaavingia kavinda karîa kagîrîru gakinya, nî wa gûcokanîrîria indo cionthe irîa irî îgûrû na irî nthî, na Kristû ethîrwe arî ta ke kîongo.

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Aefeso 3:9

Kîveo kîu nwa gîa kûmenyithia andû onthe mûvango wa nthitho, ûrîa ûtwîre ûthithîtwe kuuma tene nî Ngai ûrîa waûmbire indo cionthe.

Aefeso 4:21

Nîrî na ma atî nîmwîguîte ûvoro wîgiî Kristû na mûrî ake. Kwoguo nîmûthomithîtue ûma ûrîa ûrî ndaarî ya Jesû.

Aefeso 4:7

Mûndû wa wonthe wa cietû nîavetwe kîveo Kîam mwanya kûringana na ûrîa ûtaana wa Kristû wîgana.

Akol 1:4

nîûndû nîtûrîkîtie kwîgua atî nîmwîtîkîtie Jesû Kristû na nîmwendete andû onthe a Ngai.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

1Tim 1:11

Maûndû mama mathomithanîtue marî Ûvororî Mwaro ûrîa naveerwe mvunjie. Ûvoro ûcio umaga kûrî Ngai ûrîa ûrî riiri na mûrathime.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 2:7

na nîwatûmire nduîke mûtûmwa kûrî andû a ndûrîrî, nîguo mvunjie na nîmathomithie maûndû megiî wîtîkio na ûma. Ûndû ûrîa narîkia kwaria nî wa ma ndirathaana.

2Tim 1:11

Nie naathuurirwe nî Ngai nduîke mûtûmwa, mwarimû na mûvunjia wa ûvoro mwaro,