Aefeso 3:19 - ÎVUKU RÎA ÛVORO MWARO

¹⁹ Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Aefeso 3:19 ပူးပေါင်းရင်းမြစ်များ

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 43:4

Nîngaacoka nthiî metharî ya kîgongoona ya Ngai, nîngaûka kûrî we Ngai ûrîa ûngenagia mûno. Nîngaakwinîra ngîvûraga kînanda ngîgûkumagia, we Ngai, Ngai wakwa.

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Aroma 8:35

Nî ndûî kîngîtûtigithania na wendani wa Kristû? Nî mathîna, kana kîeva, kana mînyamaaro, kana yûra, kana ûthîni, kana ûgwati wana kana kûûragwa?

Aroma 8:39

tî indo irîa irî îgûrû kana nthî kûrîa kûrikîru. Gûtirî kîndû wa kîonthe Kîam irîa ciûmbîtwe kîngîtûtigithania na wendo ûrîa Ngai atwendete naguo na njîra ya Jesû Kristû Mwathani wetû.

2Akor 5:14

Tue twathagwa nî wendo wa Kristû, nîûndû nîtûmenyete atî mûndû ûmwe nîwakwire nîûndû wa andû onthe. Kwoguo andû onthe nîmagaanaga gîkuû gîake.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Aefeso 1:23

Kanitha nî mwîrî wa Kristû, na nîîcûrîtwe nî Kristû ûrîa arî ke wîcûru wa maûndû monthe marîa marî kûndû kuonthe.

Aefeso 3:18

na nîguo mûrî vamwe na andû onthe a Ngai, mûgîe na ûvoti wa kûmenya ûrîa wendo wa Kristû waramîte, ûracavîte na mwena, ûracavîte na îgûrû na ûrikîrîte.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Aefeso 5:25

Namue athuuri, endagani aka enyu wata ûrîa Kristû eendire kanitha na akîîruta nîûndû waguo.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

Afil 4:7

Naguo thayû wa Ngai ûrîa ûtangîmenyeka nî andû ûgekaragia ngoro na meciria menyu, nîûndû wa kwîthîrwa mûrî ndaarî ya Kristû Jesû.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.