Aefeso 3:11 - ÎVUKU RÎA ÛVORO MWARO

¹¹ Ngai eekire ûguo kûringana na ûrîa aavangîte kuuma wa Kîammbîrîria na ke aavingirie mûvango ûcio wake na njîra ya Jesû Kristû Mwathani wetû.

Aefeso 3:11 ပူးပေါင်းရင်းမြစ်များ

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Jeremia 51:29

Nthî nîîratetema na îkainaina nîûndû wa ûrûrû, nîûndû ûrîa Ngai-Mûnene avangîte gwîka Babuloni nwa nginya eke, atûme vûrûri wa Babuloni ûtuîke werû, kûndû gûtatûûragwa nî andû.

Aroma 9:11

Kûthuurwa kwa mûriû ûmwe warî mworoto wa Ngai. Ke mwene nîke wendire kûmûthuura na tî ûndû wa ciîko ciake, aamûthuurire wana mbere ya maciarwa na mbere ya mamenya maûndû maro kana macûku.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.