Aefeso 3:10 - ÎVUKU RÎA ÛVORO MWARO

¹⁰ Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

Aefeso 3:10 ပူးပေါင်းရင်းမြစ်များ

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Ezek 3:12

Nînacokire ngîambararua na îgûrû nî Roho, na vuva wakwa nînegwire mûgambo ta wa kîthingithia kînene ûkiuga, “Riiri wa Ngai-Mûnene ûrîa ûrî îgûrû ûrokumua.”

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Aroma 8:38

Nîûndû nîmûmenyu waro atî gûtirî ûndû ûngîtûtigithania na wendo wa Kristû; tî gîkuû kana mwoyo, araika, tî maavinya ma îgûrû, tî maûndû marîa marekîka rîu na marîa mageekîka, tî monene,

1Akor 1:24

Nwatî kûrî arîa Ngai etîte, Ayahudi na andû a Ndûrîrî, ndûmîrîri ya Kristû nî vinya na ûûgî wa Ngai.

1Akor 2:7

Mbaragia ûvoro wîgiî ûûgî wa Ngai ûrîa ûtwîre ûthithîtwe. Na wana mbere ya nthî yûmbwa, Ngai nîwaûthuurîte nîguo tûgîe na riiri.

Aefeso 1:21

Kûu Kristû athanaga arî îgûrû rîa anene onthe, athani, maavinya na mothamaki. Ke arî na rîîtwa rîkîrîte marîa mengî monthe ma mavinda ma rîu wana ma mavinda marîa magaaûka.

Aefeso 1:23

Kanitha nî mwîrî wa Kristû, na nîîcûrîtwe nî Kristû ûrîa arî ke wîcûru wa maûndû monthe marîa marî kûndû kuonthe.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Aefeso 1:8

ûrîa atûvete na njîra îtarî kîthimi! Ngai arî na ûûgî na ûmenyo wake,

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

Akol 1:16

Nîûndû Ngai aaûmbire indo cionthe na njîra yake, indo irîa irî îgûrû na irîa irî nthî, irîa cionekaga na irîa itonekaga, moonene monthe, mothamaki wana maavinya. Indo cionthe ciaûmbirwe na njîra yake na nîûndû wake.

Akol 2:10

Kristû ûcio ûtûmîte mûgîe na mwoyo mwîcûru mûrî ûrûmwe nake, nîke mûnene wa maaroho marîa mengî monthe mathamakaga na mathanaga.

Akol 2:15

Na mûtharavarî ûcio nîvo Kristû eetethûrire kuuma kûrî maavinya ma maaroho marîa maathamakaga na maathanaga. Ke nîwamanyûrûririe na njîra ya kûmatongoria mbere ya andû na wa vo akîonania atî aarî na ûvootani îgûrû rîa maroho na maavinya mau.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.