Aefeso 2:3 - ÎVUKU RÎA ÛVORO MWARO

³ Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Aefeso 2:3 ပူးပေါင်းရင်းမြစ်များ

Kîam 5:3

Rîrîa Adamu aakinyirie ûkûrû wa mîaka îgana rîa mîrongo îthatû (130), nîwaciarire kavîcî gekariî take viû na agîgatuîra rîîtwa Sethi.

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Maariko 4:19

nwatî mathîna ma gûkû nthî, ta kwenda ûtonga, wa vamwe na merirîria ma mîthemba na mîthemba, makathararia ndûmîrîri îo nginya magatura maciaro.

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Ciîko 14:16

Vingo ya tene Ngai nîwetîkagîria andû onthe meke wa ûrîa meendaga.

Aroma 1:24

Nîûndû wa ûguo, Ngai nîmûmarekereriu mekage maûndû monthe macûku marîa ngoro ciao ciîriragîria. Nao nîmekaga maûndû ma ûûra nthoni gatagatîrî kao.

Aroma 11:30

Mue andû a Ndûrîrî nîkûrî vîndî mwatûîre mûremerete Ngai, nwatî rîu nîmûrîkîtie kwîguîrwa ntha nî Ngai nîûndû Ayahudi nîmaaregire kwathîka.

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

Aroma 2:14

Andû a ndûrîrî matirî na watho. Nwatî rîrîa matongoragua nî thamiri ciao gwîka ûrîa watho uugîte, methagîrwa mekariî ta watho wana ethîrwa matirî rungu rwa watho.

Aroma 5:10

Vîndî îmwe twarî nthû cia Ngai, nwatî ke nîwatûtuire arata ake na njîra ya gîkuû Kîam mûriû wake. Na rîu nîûndû tûrî arata a Ngai ke nîagaatûvonokia na njîra ya Kristû.

Aroma 5:9

Ethîrwa na njîra ya gîkuû Kîam Jesû nîtûtuîtwe athingu, na kinthî ke ndagaatûvonokia makîria kuuma kûrî marakara ma Ngai?

Aroma 6:12

Kwoguo mûtikanareke mevia mathamakage mîrirî yenyu îo îkuucaga atî nîguo mwathîkagîre merirîria mayo.

Aroma 7:18

Nie nîmbicî atî ndaarî yakwa, ûguo nî kuga mwîrîrî wakwa ndirî na ûvoti wa gwîka waro. Nîûndû wana ethîrwa nîmendaga gwîka waro ndivotaga gûwîka.

Aroma 9:22

Ûguo nwa guo Ngai ekîte. Endaga kwonania marakara make na gûtûma vinya wake ûmenyeke. Kwoguo eekarire akirîrîrîtie mûno andû arîa maarî makinyîrwe nî marakara make, na magîrîrwe nî gûcûkangua viû.

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 3:22

Nwatî mandîko matheru maugaga atî andû onthe a nthî marî rungu rwa vinya wa mevia. Kwoguo kîveo kîrîa kîranîrîtwe nî ûndû wa gwîtîkia Jesû Kristû nîkîvecanagwa kûrî andû arîa metîkîtie.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 4:22

Kwoguo tiganani viû na ûmûndû wenyu ûrîa mûkûrû ûrîa mûrethagîrwa mûrî naguo mbererî. Ûmûndû ûcio ûcûkîte nîûndû wa kûrûmîrîra merirîria ma kûveenania.

Akol 1:21

Vîndî îmwe mwarî kûraca na Ngai na mwarî nthû ciake, nîûndû mwethagîrwa mûrî na meciria macûku na mwekaga maûndû macûku.

1Ath 4:13

Ariû na aarî a îthe wetû, nîtûkwenda mûmenye ûma wîgiî andû arîa makuîte, nîguo mûtikagîe na kîeva ta andû arîa matarî na kîîrîgîrîro.

1Ath 5:6

Kwoguo tûtiagîrîrwe nî kwîthîrwa tûmamîte ta andû arîa engî, twagîrîrwe twîthagîrwe twîîguîte na tûterigîtwe.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

1Pet 1:14

Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

1Joh 2:16

Indo cionthe cia nthî ta, merirîria macûku ma mwîrî, merirîria ma indo njûku irîa twonaga, wana kana mwîtîîo nîûndû wa indo cia gûkû nthî matiîthagîrwa maumîte kûrî îthe wetû, nî ma nthî.

1Joh 2:8

Nwatî nîramwandîkîra rîathani rîcerû na Mesaya nîwonanîtie atî ûndû ûcio nî wa ma na wanamue nîmwonanîtie wa guo. Nîûndû nduma nî îrathira, naguo ûtheri ûrîa wa ma nî ûramûrîka.