Aefeso 2:22 - ÎVUKU RÎA ÛVORO MWARO

²² Na mûrî na ûrûmwe na Kristû, wa namue nîmûratumwa vamwe na arîa engî onthe nîguo mûtuîke gîkaro Kîam Roho wa Ngai na njîra ya Roho.

Aefeso 2:22 ပူးပေါင်းရင်းမြစ်များ

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

1Akor 6:19

Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 4:13

Ûndû ûrîa tûmenyaga naguo atî Ngai atûûraga ndaarî yetû, natue tûtûûraga ndaarî yake nî atî: ke nîwatûvere Roho wake.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.