Aefeso 2:13 - ÎVUKU RÎA ÛVORO MWARO

¹³ Nwatî rîu, nîûndû mûrî kîndû kîmwe na Jesû Kristû, mue arîa mwarî varaca na Ngai, nîmûretaretetwe vakuvî nake na njîra ya nthakame ya Kristû.

Aefeso 2:13 ပူးပေါင်းရင်းမြစ်များ

Thaburi 22:7

Andû onthe arîa mamonaga nîmanjivaga, manyûrûragia na makinainagia ciongo ciao.

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Isaia 57:19

Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.

Isaia 60:4

Roria mîena yonthe wone: andû onthe maraûngana vamwe maûkîte kûrî we! Anake aku nîmakaauma kûndû kûraca, na erîtu aku magaaûka makuuîtwe na njara ta ciana.

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Ciîko 15:14

Simioni nîwatwîra ûrîa Ngai mbere onanirie ûmenyereri wake kûrî andû a ndûrîrî. Ke eekire ûguo na njîra ya gwîta andû amwe kuuma gatagatîrî kao nîguo matuîke ake.

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Ciîko 22:21

Nake Mwathani nîwambîrire atîrî, ‘Thiî rîu, nîûndû nie nîngûgûtûma kûraca ûthiî kûrî andû a ndûrîrî.’ ” Kîrîndî kîu Kîamthikîrîrie Paûlo nginya rîrîa aaugire ûguo.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Aefeso 1:1

Kuuma kûrî nie Paûlo, ûrîa Ngai aatuire mûtûmwa wa Jesû Kristû nîûndû ûcio nîguo warî wendi wake. Kûrî andû a Ngai arîa marî Efeso, arîa evokeku ûtûûrorî wao na marî kîndû kîmwe na Jesû Kristû.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 2:12

Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 2:6

Ke nîwatûriûkirie tûrî kîndû kîmwe na Jesû Kristû nîguo twathane vamwe nake kûu îgûrû.

Ahib 9:18

Kîu nîkîo gîatûmire wana kîrîkanîro Kîam mbere kîruta wîra na njîra ya nthakame.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.